EYŪ sammitı 3-4 jeltoqsan künderı Tegeranda ötedı

357
Adyrna.kz Telegram
https://www.adyrna.kz/storage/uploads/JvEAWbIRxObBh35WyxzgkWkAM5RJH06OyhdgwMti.png

Foto: newscentralasia

2026 jylǧy 3–4 jeltoqsanda İran astanasy Tegeranda Ekonomikalyq yntymaqtastyq ūiymyna (EYŪ) müşe memleketter basşylarynyŋ sammitı ötedı. Būl turaly İrannyŋ bırınşı vise-prezidentı Mūhammad Reza Aref mälımdedı, dep habarlaidy “Adyrna” ūlttyq portaly Tasnim News saityna sıltep.

Onyŋ aituynşa, aldaǧy sammit aimaqtyq yntymaqtastyqty nyǧaituǧa, sondai-aq ūiymǧa müşe memleketter arasyndaǧy ekonomikalyq jäne özge de bailanystardy damytuǧa mümkındık beredı.

Mūhammad Reza Areftıŋ mälımetınşe, halyqaralyq jiynǧa daiyndyq jūmystary bastalyp ketken. Osyǧan bailanysty barlyq ministrler men ükımet müşelerıne sammittıŋ ūiymdastyru komitetımen tyǧyz bailanysta jūmys ısteu tapsyrylǧan.

Aita keteiık, Ekonomikalyq yntymaqtastyq ūiymynyŋ qūramyna 10 memleket kıredı. Olar – Qazaqstan, İran, Äzerbaijan, Türkiia, Päkıstan, Auǧanstan, Qyrǧyzstan, Täjıkstan, Türıkmenstan jäne Özbekstan. Qazaqstan ūiymnyŋ müşesı retınde aldaǧy sammitke qatysatyn elderdıŋ qatarynda.

Pıkırler