Tegerandaǵy Joǵarǵy sot ǵımaratynda bolǵan atys saldarynan eki adam qaza tapty, bir sýdıa jaraqat aldy, dep habarlaıdy "Adyrna" ulttyq portaly IRNA agenttigine siltep.
Oqıǵany bılik terakt dep baǵalady.
Aldyn ala aqparat boıynsha, shabýyldaýshy sot ǵımaratynda qaralyp jatqan isterge qatysy joq adam bolǵan. Ol atys jasaǵan soń, ózine qol salǵan.
Qaza tapqandardyń qatarynda eki belgili sýdıa bar.
Mohammad Mogıse – ulttyq qaýipsizdik, tyńshylyq jáne terrorızmge qatysty isterdi qaraýmen tanymal. Ol saıası tutqyndardyń isterin júrgizgeni úshin halyqaralyq qaýymdastyq tarapynan synǵa alynǵan, sondaı-aq AQSh pen Eýroodaqtyń sankııa tizimine engen.
Álı Razını – 1998 jyly oǵan qastandyq jasalǵan, biraq aman qalǵan. Ol kezde Razını Tegerannyń bas sýdıasy qyzmetin atqarǵan.
Shabýyldyń sebepteri men mán-jaıyn anyqtaý úshin tergeý jumystary jalǵasýda.
Irandaǵy bul shabýyl adam quqyǵy, sot ádildigi jáne ulttyq qaýipsizdik máseleleri boıynsha jahandyq nazar aýdartyp otyr.
