Tegerandaǧy Joǧarǧy sot ǧimaratynda bolǧan atys saldarynan ekı adam qaza tapty, bır sudia jaraqat aldy, dep habarlaidy "Adyrna" ūlttyq portaly IRNA agenttıgıne sıltep.
Oqiǧany bilık terakt dep baǧalady.
Aldyn ala aqparat boiynşa, şabuyldauşy sot ǧimaratynda qaralyp jatqan ısterge qatysy joq adam bolǧan. Ol atys jasaǧan soŋ, özıne qol salǧan.
Qaza tapqandardyŋ qatarynda ekı belgılı sudia bar.
Mohammad Mogise – ūlttyq qauıpsızdık, tyŋşylyq jäne terrorizmge qatysty ısterdı qaraumen tanymal. Ol saiasi tūtqyndardyŋ ısterın jürgızgenı üşın halyqaralyq qauymdastyq tarapynan synǧa alynǧan, sondai-aq AQŞ pen Euroodaqtyŋ sanksiia tızımıne engen.
Äli Razini – 1998 jyly oǧan qastandyq jasalǧan, bıraq aman qalǧan. Ol kezde Razini Tegerannyŋ bas sudiasy qyzmetın atqarǧan.
Şabuyldyŋ sebepterı men män-jaiyn anyqtau üşın tergeu jūmystary jalǧasuda.
İrandaǧy būl şabuyl adam qūqyǧy, sot ädıldıgı jäne ūlttyq qauıpsızdık mäselelerı boiynşa jahandyq nazar audartyp otyr.
Ūqsas jaŋalyqtar
