تەگەرانداعى جوعارعى سوت عيماراتىندا بولعان اتىس سالدارىنان ەكى ادام قازا تاپتى، ءبىر سۋديا جاراقات الدى، دەپ حابارلايدى "ادىرنا" ۇلتتىق پورتالى IRNA اگەنتتىگىنە سىلتەپ.
وقيعانى بيلىك تەراكت دەپ باعالادى.
الدىن الا اقپارات بويىنشا، شابۋىلداۋشى سوت عيماراتىندا قارالىپ جاتقان ىستەرگە قاتىسى جوق ادام بولعان. ول اتىس جاساعان سوڭ، وزىنە قول سالعان.
قازا تاپقانداردىڭ قاتارىندا ەكى بەلگىلى سۋديا بار.
موحامماد موگيسە – ۇلتتىق قاۋىپسىزدىك، تىڭشىلىق جانە تەرروريزمگە قاتىستى ىستەردى قاراۋمەن تانىمال. ول ساياسي تۇتقىنداردىڭ ىستەرىن جۇرگىزگەنى ءۇشىن حالىقارالىق قاۋىمداستىق تاراپىنان سىنعا الىنعان، سونداي-اق اقش پەن ەۋرووداقتىڭ سانكتسيا تىزىمىنە ەنگەن.
ءالي رازيني – 1998 جىلى وعان قاستاندىق جاسالعان، بىراق امان قالعان. ول كەزدە رازيني تەگەراننىڭ باس سۋدياسى قىزمەتىن اتقارعان.
شابۋىلدىڭ سەبەپتەرى مەن ءمان-جايىن انىقتاۋ ءۇشىن تەرگەۋ جۇمىستارى جالعاسۋدا.
يرانداعى بۇل شابۋىل ادام قۇقىعى، سوت ادىلدىگى جانە ۇلتتىق قاۋىپسىزدىك ماسەلەلەرى بويىنشا جاھاندىق نازار اۋدارتىپ وتىر.
