الماتىداعى اتىسقا قاتىستى رەسمي اقپارات جاريالاندى

4514
Adyrna.kz Telegram

سوت بۇيرىعىن ورىنداۋ كەزىندە بەس ادام، ونىڭ ىشىندە ەكى پوليتسيا قىزمەتكەرى قازا تاپتى، دەپ حابارلايدى "ادىرنا" ءتىلشىسى.

الماتىداعى اتىسقا قاتىستى قالانىڭ پد رەسمي جاۋاپ بەردى.

"بۇگىن، 2021 جىلى 20 قىركۇيەكتە، كەشكى ساعات 17:00 شاماسىندا الماتىنىڭ الاتاۋ اۋدانىنداعى اقبۇلاق ىقشام اۋدانىندا قايعىلى وقيعا بولدى. جەكە ۇيلەردىڭ بىرىندە كوشىرۋ تۋرالى سوت ۇيعارىمىن ورىنداۋ بارىسىندا وسى ءۇيدىڭ تۇرعىنى - 1967 جىلى تۋىلعان ازامات د. اگرەسسيا تانىتىپ، سوت ورىنداۋشىلارىنا، ۋچاسكەلىك پوليتسيا ينسپەكتورلارىنا، تجم قىزمەتكەرلەرىنە اتىس قارۋىمەن وق جاۋدىردى.

كەزەكشىلىكتە بولعان بەس ادام، ونىڭ ىشىندە ەكى پوليتسيا قىزمەتكەرى وقتان جاراقات الىپ، قايتىس بولدى. ورىن العان قايعىلى وقيعاعا بايلانىستى كوڭىل ايتامىز.
قىلمىسكەر ۇستالدى. قازىرگى ۋاقىتتا جاعداي باقىلاۋدا. قىلمىستىق ءىس قوزعالدى. تەرگەۋ شارالارى جۇرگىزىلۋدە", دەدى الماتى قالاسىنىڭ پد ءباسپاسوز قىزمەتى.

ولتىرىلگەن پوليتسيا قىزمەتكەرلەرى تۋرالى مالىمەتتەر:
الاتاۋ اۋدانى ومپس ءوپ ۋچاسكەلىك ينسپەكتورى، پوليتسيا مايورى سۋلەەۆ دارحان داۋىلباەۆيچ، 1982 ج.ت.
الاتاۋ وبلىسى ومپس ۋە ۋچاسكەلىك ينسپەكتورى، پوليتسيا كاپيتانى بايعازيەۆ نۇربول نازارباەۆيچ، 1988 ج.ت.

"ادىرنا" ۇلتتىق پورتالى ۇجىمى قازا تاپقانداردىڭ وتباسىنا قايعىرىپ كوڭىل ايتادى!

"ادىرنا" ۇلتتىق پورتالى

پىكىرلەر