Foto: Paul Sancya/AP Photo/picture alliance
AQŞ-tyŋ Ogaio ştatyndaǧy Tolido qalasynda ötken Old West End festivalı maŋynda bolǧan atys saldarynan kemınde 12 adam oq jaraqatyn aldy. Olardyŋ ekeuınıŋ jaǧdaiy auyr. Būl turaly 6 mausym künı polisiia basşysynyŋ orynbasary Djozef Heffernan mälımdedı, dep habarlaidy "Adyrna".
Onyŋ aituynşa, küdıktıler äzırge ūstalǧan joq.
Aldyn ala mälımet boiynşa, oqiǧaǧa kemınde ekı adam qatysyp, olar bır-bırıne oq atqan boluy mümkın. Polisiia qyzmetkerı Den Gerkennıŋ sözınşe, zardap şekkenderdıŋ ortaşa jasy 20-dan asqan.
Qazır qūqyq qorǧau organdary küdıktılerdı ızdestırıp, kuägerlerden jauap alyp, ūialy telefondarǧa tüsırılgen beinejazbalardy zerttep jatyr. AFP agenttıgınıŋ habarlauynşa, tergeu jūmystary jürgızılıp jatqandyqtan, polisiia tūrǧyndarǧa bırneşe köşeden uaqytşa aulaq boludy eskertken. Oqiǧa ornynda älı de polisiia qyzmetkerı jūmys ısteude.
Ogaio ştatynyŋ gubernatory Maik Devain äleumettık jelıdegı paraqşasynda: «Jazǧy festivalder otbasylar qauıpsız demalyp, uaqyt ötkızetın oryn boluy tiıs. Bız būl mänsız qylmysqa qatysy bar küdıktılerdı qūqyq qorǧau organdary mındettı türde tabatynyna senımdımız», – dep jazdy.
Qarumen jasalǧan zorlyq-zombylyq oqiǧalarynyŋ statistikasyn jürgızetın Gun Violence Archive ūiymynyŋ deregıne säikes, biylǧy jyldyŋ basynan berı AQŞ-ta jappai atysqa qatysty kemınde 170 oqiǧa tırkelgen.
Old West End – Tolido qalasyndaǧy tarihi audannyŋ jyl saiyn ötetın ekı kündık festivalı. Viktoriia däuırınıŋ säuletı saqtalǧan būl audanda ūiymdastyrylatyn şara baǧdarlamasyna şeru, jandy muzyka konsertterı jäne gastronomiialyq körmeler engızılgen.
