ەىۇ ءسامميتى 3-4 جەلتوقسان كۇندەرى تەگەراندا وتەدى

358
Adyrna.kz Telegram
https://www.adyrna.kz/storage/uploads/JvEAWbIRxObBh35WyxzgkWkAM5RJH06OyhdgwMti.png

فوتو: newscentralasia

2026 جىلعى 3–4 جەلتوقساندا يران استاناسى تەگەراندا ەكونوميكالىق ىنتىماقتاستىق ۇيىمىنا (ەىۇ) مۇشە مەملەكەتتەر باسشىلارىنىڭ ءسامميتى وتەدى. بۇل تۋرالى يراننىڭ ءبىرىنشى ۆيتسە-پرەزيدەنتى مۇحامماد رەزا ارەف مالىمدەدى، دەپ حابارلايدى “ادىرنا” ۇلتتىق پورتالى Tasnim News سايتىنا سىلتەپ.

ونىڭ ايتۋىنشا، الداعى سامميت ايماقتىق ىنتىماقتاستىقتى نىعايتۋعا، سونداي-اق ۇيىمعا مۇشە مەملەكەتتەر اراسىنداعى ەكونوميكالىق جانە وزگە دە بايلانىستاردى دامىتۋعا مۇمكىندىك بەرەدى.

مۇحامماد رەزا ارەفتىڭ مالىمەتىنشە، حالىقارالىق جيىنعا دايىندىق جۇمىستارى باستالىپ كەتكەن. وسىعان بايلانىستى بارلىق مينيسترلەر مەن ۇكىمەت مۇشەلەرىنە ءسامميتتىڭ ۇيىمداستىرۋ كوميتەتىمەن تىعىز بايلانىستا جۇمىس ىستەۋ تاپسىرىلعان.

ايتا كەتەيىك، ەكونوميكالىق ىنتىماقتاستىق ۇيىمىنىڭ قۇرامىنا 10 مەملەكەت كىرەدى. ولار – قازاقستان، يران، ازەربايجان، تۇركيا، پاكىستان، اۋعانستان، قىرعىزستان، تاجىكستان، تۇرىكمەنستان جانە وزبەكستان. قازاقستان ۇيىمنىڭ مۇشەسى رەتىندە الداعى سامميتكە قاتىساتىن ەلدەردىڭ قاتارىندا.

پىكىرلەر