"Elımızde esırtkımen küreske qarsy baǧyttalǧan naqty jospar bolǧan joq" - Qarin

Qazaqstan Respublikasynyŋ Memlekettık keŋesşısı Erlan Qarin jurnalist, Mäjılıs deputaty Nartai Aralbaiūlynyŋ iutub-arnasyna sūhbat berıp, elımızdegı bırqatar mäselelerdı söz ettı. Sonyŋ ışınde jastar arasynda sintetikalyq esırtkı qoldanysynyŋ beleŋ aluy men naşaqorlyq syndy problemaǧa qatysty özınıŋ saiasi közqarasyn bıldırdı, dep habarlaidy "Adyrna" ūlttyq portaly.

Sūhbat barysynda Erlan Tynymbaiūly sintetikalyq esırtkınıŋ ziianyn aityp, "Jastar keŋesınıŋ" maqsat-mındetterıne toqtaldy.

- Būl qazırgı zamandaǧy eŋ qauıptı qaterlerınıŋ bırı. Sintetikalyq esırtkı bızdıŋ qoǧamda ǧana emes, köptegen elderde jastardy ulap jatyr. Sondyqtan Prezident ötken jylǧy joldauynda sintetikalyq esırtkımen kürestı memlekettıŋ basty maqsattarynyŋ bırı dep belgıledı. Qūzyrly organdardyŋ jūmysyna qaramastan sintetikalyq esırtkı jyldan-jylǧa keŋınen taralyp bara jatyr. Onyŋ qauıptılıgı nede? Jastardy, äsırese balalardy da özıne tartady. Mektep jasyndaǧy balalardyŋ da mūndai esırtkını qabyldaǧan jaǧdailary kezdesıp jatady. Ony bıraq esırtkı dep qabyldamaidy, därı-därmektıŋ bır formasy siiaqty tüsınedı... Ony köbı küş-quat beretın därı-därmek sekıldı qabyldaidy. Qalai dep atasaq

Ūqsas jaŋalyqtar

Qazaqstan kımderdıŋ memleketı? Nūr-Sūltan kımderdıŋ qalasy?

Eldı damytu jaiy özektı tūrǧanda eltaŋba mäselesı köterıle qaldy

Toqaev Kuba prezidentın Revoliusiia jeŋısı künımen qūttyqtady

ta, būl - uly, ziiandy esırtkı, - dedı Erlan Qarin.

Sonymen qatar ol ziiandy ädetterge bastaityn önımdermen küresuge Qasym-Jomart Toqaevtyŋ memleket deŋgeiınde maŋyz tanytyp otyrǧanyn aityp öttı. Elımızde osy uaqytqa deiın esırtkımen küresuge baǧyttalǧan naqty jospardyŋ qolǧa alynbai kelgenın tılge tiek ettı.

- Ärine, jūmystar atqarylyp jatyr. Bıraq barlyq memlekettık organdardy jūmyldyratyndai keşendı jospar soŋǧy ret 2016 jyly qabyldanǧan bolatyn. Sondyqtan memleket basşysy bızge esırtkı biznesımen kürestı jüieleitın jospar qūruǧa qatysty tapsyrma berıldı. Sonyŋ negızınde "Jastar keŋesı" qūryldy. Ministrlık ökılderın jinap, "Jastar keŋesınıŋ" alaŋynynda osy taqyrypty alǧaş ret köterdık. Keşendı jospardyŋ daiyndaluyn qadaǧalauǧa aldyq, - dedı saiasatker.

Mūnymen qosa, Qazaqstan Respublikasynyŋ Memlekettık keŋesşısı Erlan Qarin "Jastar keŋesınıŋ" jūmysy qalai jürıp jatqanyn söz ettı. Sintetikalyq esırtkı men naşaqorlyqqa qarsy qūrylǧan keşendı jospardyŋ saiasi tetıkterı men qoǧamdyq män-maŋyzyn talqylady.

"Adyrna" ūlttyq portaly