Elımızdegı mektepterdıŋ bırınde mūǧalımnıŋ oquşylarǧa dıni sabaq ötkızgenı turaly video qalyŋ köpşılıktı dürlıktırgen edı. Äleumettık jelıde keŋınen taraǧan video qai jerde, kımnıŋ tarapynan tüsırılgenı belgılı boldy. Mektep äkımşılıgı şetın jaiǧa qatysty tüsınıkteme berıldı. Būl jaily "Adyrna" ūlttyq portaly habarlady.
"Sputnik Qazaqstan"-nyŋ habarlauynşa, balalarǧa arab mädenietıne negızdelgen ügıt-nasihat jürgızılgen därıstıŋ videosyn Almatydaǧy №176 mektep-gimnaziiasynyŋ bastauyş synyp mūǧalımı tüsırgen. Keiın videony WhatsApp messendjerı arqyly ata-analar chatyna joldaǧan. Aqyrynda, mūǧalımnıŋ videosy jelını şarlap, qoǧamnyŋ nazaryn audardy. WhatsApp qoldanuşylary da ony oŋdy-soldy taratqan.
Almaty qalalyq bılım basqarmasy mūǧalımnıŋ būl mektepte 2009 jyldan berı qyzmet etıp kelgenın aityp otyr.
"Mūǧalımnıŋ aituynşa, būl dıni taqyrypty sabaq bastalmai tūryp, 15 minut būryn ötkızgen. Keiın WhatsApp messendjerındegı ata-analar chatyna jüktegen jäne öz statusyna salǧan. Mūndai jaǧdai bır ret qana tırkelgen. Osy jaǧdaiǧa bailanysty bılım basqarmasy tarapynan komissiia qūrylyp, mūǧalımmen tüsındıru jūmystary jürgızıldı", - deidı basqarma mamandary.Bügıngı künı balalarǧa dıni ügıt-nasihat jürgızgen mūǧalıp öz erkımen jūmystan şyqty. Mektep äkımşılıgı de jauapqa tartyldy. Sonymen qatar, basqarma Qazaq elınıŋ zaiyrly memleket ekendıgın ereşk eske salyp, mektepterde soǧan sai bılım berıluı tiıs ekendıgın atap öttı.
"Bılım beru ūiymdarynda mūǧalımder tek memlekettık bılım beru standarty men bekıtılgen baǧdarlamalar aiasynda ǧana sabaq ötkızuge mındettı. Oqu oryndarynyŋ qabyrǧalarynda qandai da bır basqa ıs-şaralardy ötkızuge tyiym salynady", - dep atap öttı mamandar.
"Adyrna" ūlttyq portaly
Ūqsas jaŋalyqtar
Qazaqstan
saiasat
mektep
Bastauyş synyp
almaty mektebı
zaiyrly memleket
qazaq elı
bılım men ǧylym
#qazaq_ǧylymy
orta mektep
unitarly memleket
qazaqsan mektepterı
