Elimizdegi mektepterdiń birinde muǵalimniń oqýshylarǵa dinı sabaq ótkizgeni týraly vıdeo qalyń kópshilikti dúrliktirgen edi. Áleýmettik jelide keńinen taraǵan vıdeo qaı jerde, kimniń tarapynan túsirilgeni belgili boldy. Mektep ákimshiligi shetin jaıǵa qatysty túsinikteme berildi. Bul jaıly "Adyrna" ulttyq portaly habarlady.
"Sputnik Qazaqstan"-nyń habarlaýynsha, balalarǵa arab mádenıetine negizdelgen úgit-nasıhat júrgizilgen dáristiń vıdeosyn Almatydaǵy №176 mektep-gımnazııasynyń bastaýysh synyp muǵalimi túsirgen. Keıin vıdeony WhatsApp messendjeri arqyly ata-analar chatyna joldaǵan. Aqyrynda, muǵalimniń vıdeosy jelini sharlap, qoǵamnyń nazaryn aýdardy. WhatsApp qoldanýshylary da ony ońdy-soldy taratqan.
Almaty qalalyq bilim basqarmasy muǵalimniń bul mektepte 2009 jyldan beri qyzmet etip kelgenin aıtyp otyr.
"Muǵalimniń aıtýynsha, bul dinı taqyrypty sabaq bastalmaı turyp, 15 mınýt buryn ótkizgen. Keıin WhatsApp messendjerindegi ata-analar chatyna júktegen jáne óz statýsyna salǵan. Mundaı jaǵdaı bir ret qana tirkelgen. Osy jaǵdaıǵa baılanysty bilim basqarmasy tarapynan komıssııa qurylyp, muǵalimmen túsindirý jumystary júrgizildi", - deıdi basqarma mamandary.
Búgingi kúni balalarǵa dinı úgit-nasıhat júrgizgen muǵalip óz erkimen jumystan shyqty. Mektep ákimshiligi de jaýapqa tartyldy. Sonymen qatar, basqarma Qazaq eliniń zaıyrly memleket ekendigin ereshk eske salyp, mektepterde soǵan saı bilim berilýi tıis ekendigin atap ótti.
"Bilim berý uıymdarynda muǵalimder tek memlekettik bilim berý standarty men bekitilgen baǵdarlamalar aıasynda ǵana sabaq ótkizýge mindetti. Oqý oryndarynyń qabyrǵalarynda qandaı da bir basqa is-sharalardy ótkizýge tyıym salynady", - dep atap ótti mamandar.
"Adyrna" ulttyq portaly
