Kreml qoljaulyqtary Qazaq elınde amerikalyq biozerthanalardyŋ baryn aitty

3651
Adyrna.kz Telegram
https://adyrna.kz/content/uploads/2022/12/0.jpg
Sözınıŋ pätuasy joq "Vladimir Solovevpen ötken keş" baǧdarlamasynyŋ qonaǧy,  Kremldıŋ būlbūly Evgenii Satanovskii Qazaqstannyŋ aumaǧynda "amerikandyq biozerthanalar" bar dep efir barysynda jalaŋ mälımdeme jasady, dep habarlaidy "Adyrna" ūlttyq portaly. 
"Ukrainadaǧy äskeri-biologiialyq zerthanalardy eske tüsıreiık. Olar jetkılıktı. Onda olar da, aǧylşyndar da, nemıster de jūmys ıstedı. Bız ünemı esten şyǧaryp alatyn Qazaqstandaǧy zerthanalar şe?", - dedı E. Satanovskii.
Satanovskii öz sandyraǧyna senıp, miyǧynan bır külıp aldy. Keiınnen öz ötırıgıne özı ilana almai, bıraz dalaqtady. "Būl qalai bolǧany? Qazaqstan jäne Amerika Bıraq Ukrainada da  olar bar. Ekeuı Qazaq elınde. Sondyqtan tıkelei qaqtyǧys bolatyny sözsız", - dedı saiasattanuşy. Qazaq elınıŋ ūlttyq bıregeilıgı artyp, ūlttanu ürdısı jetılgen saiyn syrtqy taraptan aqparattyq şabuyldardyŋ artuy qalypty jaǧdaiǧa ainaldy. Degenmen, Qazaq elı bıregeilıgı, täuelsızdık ūrpaqtarynyŋ aqyl-parasaty, intellektısınıŋ arqasynada syrtqy tasyrǧa toitarys berıp, ūlttyq maqsat-mūratyna qol jetkızıp keledı.

"Adyrna" ūlttyq portaly

Pıkırler