Qazaqstandyqtar endi Albanııa memleketine 90 kúnge vızasyz bara alady. Bul týraly Úkimettiń tıisti qaýlysy Ashyq normatıvtik-quqyqtyq aktiler saıtynda jarııalandy, dep habarlaıdy “Adyrna” ulttyq portaly.
«Jaramdy jol júrý qujattary bar QR azamatynan Albanııa Respýblıkasyna 90 kúnnen aspaıtyn ýaqytqa bir nemese birneshe ret barǵanda, tranzıtpen ótkende jáne ýaqytsha bolǵan kezde olardan vızalyq talaptar suralmaıdy. Albanııa Respýblıkasynyń aýmaǵynda bolǵan kezde óziniń qujattaryn joǵaltqan Qazaqstan Respýblıkasynyń azamaty sol eldegi Qazaqstan elshiligine nemese konsýldyq bólimshelerine baryp, ókildikter usynǵan ýaqytsha qujat arqyly Albanııa aýmaǵynan tys jerlerge shyǵa alady», - delingen qaýlyda.
Qazaqstan Respýblıkasynyń azamatynda bolýy tıis jol júrý qujattary:
- dıplomatııalyq pasport;
- qyzmettik kýálik;
- Qazaqstan Respýblıkasynyń azamaty ekenin rastaıtyn kýálik;
- Qazaqstan Respýblıkasyna qaıtyp oralýǵa arnalǵan kýálik.
Qujatqa sáıkes, tótenshe jaǵdaı nemese ózge de oqys oqıǵaǵa tap bolyp, Albanııa terrıtorııasynan ketý múmkindigi bolmaǵan qazaqstandyqtar sol eldiń quzyretti organdaryna ótinish berip, turý merzimin uzarta alady.
”Adyrna” ulttyq portaly
