Qazaqstandyq, reseilık jäne kanadalyq tölqūjaty bar äiel Qazaqstan Respublikasynyŋ Azamattyq turaly zaŋnamasyn būzǧany üşın memlekettık şekaradan ötu kezınde "Ürlıtöbe" şekaralyq baqylau bölımşesınıŋ ötkızu punktınde ūstaldy, dep habarlaidy "Adyrna" ūlttyq portaly.
Ūstalǧan äiel sotta 2017 jyldyŋ qaraşasynda Kanada azamattyǧyn alǧanyn, al 2022 jyldyŋ nauryzynda Resei azamattyǧyn alǧanyn aitqan. Bıraq qazaqstandyq tölqūjatyn ötkızbegen jäne şetel azamattyǧyn alǧanyn aitpaǧan.
"Äiel adam zaŋnan beihabar bolǧanyn aityp, tolyǧymen kınäsın moiyndady. Jalǧyz ūly men nemeresı Kanadada tūratynyn, al Qazaqstanda tuystary joǧyn aityp, elden şyǧarmauyn sūrady", - dedı Pavlodar oblsynyŋ Jelezin audandyq sotynyŋ baspasöz qyzmetı ökılderı.
"Sot äieldı Äkımşılık qūqyq būzuşylyq kodeksınıŋ 496-babynyŋ 2-bölıgı boiynşa kınälı dep tanyp, Qazaqstannan şyǧaryp jıberu türınde äkımşılık jazaǧa tartyldy", - delıngen habarlamada.Sot ükımı zaŋdy küşıne endı. Sot qūjatynda zaŋ būzǧan äiel Qazaqstannan 10 täulık ışınde ketuı keregı aitylǧan.
"Adyrna" ūlttyq portaly.
Ūqsas jaŋalyqtar
