Bas sanitar därıger Aijan Esmaǧambetova "Qazaqstan Respublikasynda qyzylşa boiynşa sanitariialyq-epidemiiaǧa qarsy jäne sanitariialyq-profilaktikalyq ıs-şaralardy ūiymdastyru jäne ötkızu turaly" 2023 jylǧy 14 nauryzdaǧy qaulyǧa qol qoidy. Qauly sanitariialyq-epidemiologiialyq komiettıŋ resmi saitynda jariialandy, dep habardaidy “Adyrna” ūlttyq portply.
Qaulyda qajet bolǧan jaǧdaida jappai vaksinasiia jürgızu mäselesı qozǧalǧan.
Sondai-aq, qūjatta vaksinamen basqarylatyn infeksiialardyŋ profilaktikasy jäne immundaudan bas tartular saldary boiynşa halyq arasynda aqparattyq-tüsındıru jūmysyn küşeitudı qamtamasyz etu maqsatynda myna erejeler bekıtılgen:
- Şeteldık azamattardy qosa alǧanda aqparattandyrylǧan kelısımdı alǧannan keiın qyzylşamen auyratyn nauqaspen soŋǧy bailanysta bolǧan sätten bastap 72 saǧattan keşıktırmei bailanysta bolǧan 30 jasqa deiıngı adamdarǧa şūǧyl vaksinasiia jürgızu;
- Aurudyŋ soŋǧy jaǧdaiy anyqtalǧan sätınen bastap 21 täulıktıŋ ışınde bailanysta bolǧan adamdardy kündelıktı medisinalyq baqylau;
- Vaksinasiialaumen tömen qamtylǧan, halyqtyŋ qiyn qoljetımdı toptary bar jäne köşıp-qonuşylardyŋ, tırkelmegen adamdardyŋ sany joǧary aumaqtarǧa asa nazar audara otyryp, öŋır boiynşa 30 jasqa deiıngı adamdardyŋ egıluıne taldau jürgızudı, Qazaqstan Respublikasynyŋ azamattary arasynda qyzylşaǧa qarsy egılmegen jäne egıluı turaly derekterı joq adamdar anyqtalǧan kezde aqparattandyrylǧan kelısımdı alǧannan keiın olardy bır ret immundau boiynşa şaralar qabyldaudy;
- Aqparattandyrylǧan kelısımdı alǧannan keiın būryn qyzylşaǧa qarsy egılmegen 55 jasqa deiıngı medisina qyzmetkerlerın vaksinasiialaudy ūiymdastyru;
- Oblystardyŋ, Almaty, Şymkent, Astana qalalarynyŋ densaulyq saqtau basqarmalary men sanitariialyq-epidemiologiialyq baqylau departamentterınıŋ qyzylşamen syrqattanuşylyqtyŋ profilaktikasy jäne immundaudan bas tartu saldary jönındegı bırlesken josparyn äzırleudı jäne bekıtu;
Ūqsas jaŋalyqtar
