Reseidıŋ Cheliabinsk oblysyndaǧy «Bugristoe» avtomobil ötkızu beketınde belgı salynbaǧan qauyndardy Reseige kırgızu äreketı tırkeldı. Jalpy kölemı şamamen 40 tonna önım zaŋbūzuşylyqtardy joiu üşın Qazaqstanǧa kerı qaitaryldy. Būl turaly Reseidıŋ Auyl şaruaşylyǧyn qadaǧalau federaldyq qyzmetı aitty, dep habarlaidy «Adyrna» tılşısı.
Vedomstvo mälımetınşe, Qazaqstannan Reseige ärqaisysy 20 tonnadan jük tiegen ekı jük kölıgı ötpek bolǧan. Önım Ekaterinburg pen Perm qalalaryndaǧy kökönıs-jemıs bazalaryna jetkızıluı tiıs edı.
Tekseru barysynda karantindık önımnıŋ basym bölıgınde tūtynuşylyq japsyrmalardyŋ joq ekenı anyqtaldy. Atap aitqanda, önımnıŋ şyqqan elı, atauy, qaptalǧan künı jäne qaptamalardyŋ bıregei säikestendıru kodtary körsetılmegen.
Osyǧan bailanysty tasymaldauşylarǧa Resei Federasiiasynyŋ Äkımşılık qūqyq būzuşylyqtar turaly kodeksınıŋ 10.2-baby (karantindık önımdı äkelu jäne äketu tärtıbın būzu) boiynşa äkımşılık ıs qozǧalǧan.
