Qazaqstan parlamenti zańsyz alynǵan múlikti memleketke qaıtarý týraly zańdy maquldady, dep habarlaıdy “Adyrna” ulttyq portaly.
Parlament Senaty beısenbi kúngi jalpy otyrysta «Zańsyz alynǵan múlikti memleket menshigine qaıtarý týraly» jáne «Qazaqstan Respýblıkasynyń keıbir zańnamalyq aktilerine zańsyz alynǵan múlikti memleketke qaıtarý máseleleri boıynsha ózgerister men tolyqtyrýlar engizý týraly» zańdardy maquldady.
Endi zańdar Prezıdenttiń qol qoıýyna jiberiledi.
Eske salaıyq, 20 maýsymda Májilis pen Senat birlesken otyrysynda «Prokýratýra týraly» Konstıtýııalyq zańǵa elden shyǵarylǵan múlikti qaıtarý tetigin bekitetin ózgeristerdi maquldaǵan bolatyn.
Bul zań jobasy týraly Prezıdent Toqaev byltyr kúzde aıtqan. Jalpy máseleniń tórkini Qańtar oqıǵasynan keıin qozǵala bastaǵan. Joq degende 238 adamnyń ómirin qıǵan Qańtar oqıǵasynan keıin Qazaqstan prezıdenti Qasym-Jomart Toqaev eldiń eks-prezıdenti Nursultan Nazarbaevtyń tusynda baıyǵan "belgili bir adamdar" týraly aıta kelip, "Qazaqstannyń baılyǵy 162 adamnyń qolynda" degen. Keıin Prezıdent tapsyrmasy boıynsha elden zańsyz shyǵarylǵan aktıvterdi qaıtarý komıssııasy jasaqtalǵan bolatyn.
Al zańnyń joba kezeńinde ony synaǵan depýtattar da bolǵan.
Burynǵy prezıdent Nursultan Nazarbaevtyń bılikte bolǵan kezinde 6 shilde Qazaqstanda erekshe atalyp ótiletin. "Astana kúni" atalǵanymen bul kún - Nazarbaevtyń týǵan kúni. Burynǵy prezıdent bıyl 83-ke tolady.
