Prezident Qasym-Jomart Toqaev investisiia tartu jäne investorlardy qoldau jüiesın jetıldıru qajettıgın aitty. Būl turaly ol Qūryltai otyrysynda «Jaŋa tarihi kezeŋdegı Qazaqstannyŋ özektı mındetterı» atty Qazaqstan halqyna Joldauyn jariialau kezınde mälımdedı, dep habarlaidy «Adyrna» tılşısı.
Aituynşa, älemde investisiia tartu bäsekesı küşeiıp keledı.
«Bäsekege qabılettı bolu üşın jedel şeşımder qabyldap, jyldam äreket etu qajet. Bıraq elımızde investor tartu jäne olardy jan-jaqty qoldau jüiesınde bırızdılık joq. Ärbır mekeme nemese jeke tūlǧa oiynda ne bar bolsa, sony ıstei beredı. Nätijesınde keşendı közqaras ta, üilesımdılık te, sabyrlyq ta, bılım de jetıspeidı»,–dedı memleket basşysy.
Qasym-Jomart Toqaev investisiia tartu ısın bır ortalyqtan basqaruǧa mümkındık beretın tūtas jüie qalyptastyru qajettıgın aitty.
«Menıŋ oiymşa, baiaǧydan sörede jatqan mäselenı, iaǧni investisiialarmen jüielı türde ainalysatyn mekemenı anyqtau kerek. Sebebı qazırgı taŋda osy baǧytta jüie joq. Bırqatar memlekettık mekemege bırdei qūzyretter berılgen. Qazırgı jaǧdaida būl täsılder zaman talabyna sai kelmeidı, äbden eskırgen. Bälkım, investisiiaǧa qatysty mäselelermen «Bäiterek» holdingı belsendırek ainalysqany dūrys şeşım bolar. Al Ekonomika ministrlıgı, Syrtqy ıster ministrlıgı investisiialarǧa bailanysty keibır qūzyretın oryndaudy jalǧastyrady»,– dedı prezident.
