رەسەيدىڭ چەليابينسك وبلىسىنداعى «بۋگريستوە» اۆتوموبيل وتكىزۋ بەكەتىندە بەلگى سالىنباعان قاۋىنداردى رەسەيگە كىرگىزۋ ارەكەتى تىركەلدى. جالپى كولەمى شامامەن 40 توننا ءونىم زاڭبۇزۋشىلىقتاردى جويۋ ءۇشىن قازاقستانعا كەرى قايتارىلدى. بۇل تۋرالى رەسەيدىڭ اۋىل شارۋاشىلىعىن قاداعالاۋ فەدەرالدىق قىزمەتى ايتتى، دەپ حابارلايدى «ادىرنا» ءتىلشىسى.
ۆەدومستۆو مالىمەتىنشە، قازاقستاننان رەسەيگە ارقايسىسى 20 توننادان جۇك تيەگەن ەكى جۇك كولىگى وتپەك بولعان. ءونىم ەكاتەرينبۋرگ پەن پەرم قالالارىنداعى كوكونىس-جەمىس بازالارىنا جەتكىزىلۋى ءتيىس ەدى.
تەكسەرۋ بارىسىندا كارانتيندىك ءونىمنىڭ باسىم بولىگىندە تۇتىنۋشىلىق جاپسىرمالاردىڭ جوق ەكەنى انىقتالدى. اتاپ ايتقاندا، ءونىمنىڭ شىققان ەلى، اتاۋى، قاپتالعان كۇنى جانە قاپتامالاردىڭ بىرەگەي سايكەستەندىرۋ كودتارى كورسەتىلمەگەن.
وسىعان بايلانىستى تاسىمالداۋشىلارعا رەسەي فەدەراتسياسىنىڭ اكىمشىلىك قۇقىق بۇزۋشىلىقتار تۋرالى كودەكسىنىڭ 10.2-بابى (كارانتيندىك ءونىمدى اكەلۋ جانە اكەتۋ ءتارتىبىن بۇزۋ) بويىنشا اكىمشىلىك ءىس قوزعالعان.
