Qazaqstandyq jas şahmatşylar Grekiianyŋ Rodos aralynda ötken rapid jäne blis boiynşa jasöspırımder arasyndaǧy älem chempionatynan 10 altyn jäne 4 qola medal jeŋıp aldy, dep habarlaidy “Adyrna” ūlttyq portaly.
Turnirge 49 elden 8 ben 18 jas aralyǧyndaǧy 433 sportşy qatysty.
Qazaqstan şahmat federasiiasynyŋ mälımetınşe, öz jas kategoriialarynda rapid pen blisten chempion atanǧandar – Alişa Bisalieva, Amirjan Anetov, Erǧali Süleimen jäne Elnaz Qaliahmet. Sonymen qatar, rapidten bırınşı oryndy Adinūr Ädılbek pen Aiaru Altynbek ielendı. Būǧan deiın qazaqstandyqtar jyl saiyn tek 2-3 altyn medalmen oralyp jürgen edı. Biylǧy nätije – rekordtyq körsetkış.
Grekiiada ekı qola medaldı Jansaia Şolpanbek enşılese, bliste üşınşı orynnan körıngender – Süleiman Nūraqyn men Daniial Sapenov.
Turnirdıŋ basty qaharmany 8 jastaǧy Alişa Bisalieva boldy. Astanalyq şahmatşy rapid pen blis boiynşa 22 partiianyŋ barlyǧynda jeŋıske jetıp, qarsylastaryna eş mümkındık qaldyrmady.
«Bızdıŋ jas şahmatşylarymyzdyŋ nätijesı barlyq kütkenımızden asyp tüstı! Jetkınşekterımız keremet oiyn körsettı. Är halyqaralyq turnirde özderın tanytyp jürgen jaŋa tolqynmen maqtanamyz. Jüielı jūmys pen jastarǧa degen senım – osyndai jeŋıske jetkızetın jol», – dedı Qazaqstan şahmat federasiiasynyŋ prezidentı Timur Turlov.
FIDE ūiymdastyrǧan būl chempionat alty jas sanatynda, ūldar men qyzdar arasynda bölek öttı. Qazaqstannan 22 şahmatşy qatysyp, olardyŋ toǧyzy jüldeger atandy.
Baiqaular şveisariialyq jüie boiynşa 11 turdan tūrdy. Rapidte är oiynşyǧa 15 minut jäne är jürıs saiyn 5 sekund qosymşa uaqyt berıldı, al bliste uaqyt formaty «5+3» boldy.
Ūqsas jaŋalyqtar
