Memlekettık keŋesşısı Erlan Qarin Almaty qalasyndaǧy Ä.Marǧūlan atyndaǧy Arheologiia institutynda «Qazaqstan tarihy: ejelgı däuırden bügınge deiın» atty jaŋa akademiialyq basylymdy äzırlep jatqan jetekşı ǧalymdarmen kezdestı.
Qazaqstan Respublikasynyŋ Memlekettık keŋesşısı Erlan Qarin Almaty qalasyndaǧy Ä.Marǧūlan atyndaǧy Arheologiia institutynda «Qazaqstan tarihy: ejelgı däuırden bügınge deiın» atty jaŋa akademiialyq basylymdy äzırlep jatqan jetekşı ǧalymdarmen kezdestı, dep habarlady Aqorda.
Memleket basşysy 2021 jylǧy qaŋtarda jaryq körgen «Täuelsızdık bärınen qymbat» atty maqalasynda zamanaui ǧylymi täsılderdı qoldana otyryp, Qazaqstan tarihynyŋ köptomdyǧyn daiyndau turaly bastama kötergen bolatyn.
Ǧylym jäne joǧary bılım vise-ministrı Darhan Ahmed-Zaki, sondai-aq tomdardyŋ redaksiialyq alqalarynyŋ jetekşılerı men müşelerı – Ä.Marǧūlan atyndaǧy Arheologiia institutynyŋ bas direktory Aqan Oŋǧar, Ş.Uälihanov atyndaǧy Tarih jäne etnologiia institutynyŋ bas ǧylymi qyzmetkerı Bolat Kömekov, Ş.Uälihanov atyndaǧy Tarih jäne etnologiia instituty direktorynyŋ orynbasary Jomart Jeŋıs, Joşy Ūlysyn zertteu ǧylymi institutynyŋ bas ǧylymi qyzmetkerı Aibolat Köşkımbaev, R.B.Süleimenov atyndaǧy Şyǧystanu instituty janyndaǧy Tarihi materialdardy zertteu boiynşa respublikalyq aqparattyq ortalyǧynyŋ direktory Meruert Äbuseiıtova, Ş.Uälihanov atyndaǧy Tarih jäne etnologiia institutynyŋ direktory Ziiabek Qabyldinov, Ş.Uälihanov atyndaǧy Tarih jäne etnologiia instituty direktorynyŋ orynbasary Şämek Tıleubaev, Memleket tarihy instituty direktorynyŋ orynbasary Bürkıtbai Aiaǧan köptomdyqty äzırleu jūmysy turaly Memlekettık keŋesşıge aqparat berdı.
Jiynda Erlan Qarin Qazaqstan tarihy turaly akademiialyq basylymdy äzırleu barysynyŋ aralyq qorytyndysyn jasady. Memlekettık keŋesşı köptomdyqtyŋ daiyndyq därejesın baǧalai otyryp, osy ǧylymi jobany jüzege asyru ūtymdy ärı obektivtı közqarastardy, barlyq tarihi faktılerdı, materialdar men qūjattardy jan-jaqty zerdeleudı jäne soŋǧy jyldardaǧy ǧylymi jaŋalyqtardy ainalymǧa engızudı qajet etetının atap öttı.
Būl jobaǧa 5 ǧylymi institut, elımızdıŋ 250-den jäne şeteldıŋ 60-tan astam tarihşy ǧalymdary jūmyldyryldy. Köptomdyqqa 40-tan asa arheologiialyq zertteu materialdary, tarih, arheologiia jäne etnografiia salalary boiynşa 300-ge juyq eŋbek enetın bolady. Akademiialyq basylymdy daiyndau barysynda halyqaralyq forumdardyŋ, köptegen ǧylymi konferensiianyŋ, döŋgelek üstelder men ädıstemelık seminarlardyŋ aiasynda arnaiy seksiialar öttı. Osy ıs-şaralarda ǧylymi zertteulerdıŋ nätijelerı tekserıldı, sondai-aq ǧalymdardan, sarapşylardan jäne mamandardan ūsynystar alyndy.
Ūqsas jaŋalyqtar
