Qazaqstan men İran ministrlıkterı süttı tereŋ öŋdeu jobasyna investisiia salu turaly kelısımge qol qoidy, dep habarlaidy "Adyrna" ūlttyq portaly.
Auyl şaruaşylyǧy ministrlıgınıŋ mälımetınşe, Almaty oblysynda jylyna 155 myŋ tonna önım öndıretın ırımşık zauyty boi köteredı. Jobanyŋ jalpy investisiia kölemı 35,2 milliard teŋgenı qūraidy. Qazırgı uaqytta qūrylys-montaj jūmystary bastalyp ketken.
Ministr Aidarbek Saparov auyl şaruaşylyǧy önımderın öŋdeu salasyna strategiialyq investorlardy tartu memlekettık saiasattyŋ basym baǧyttarynyŋ bırı ekenın atap öttı. Onyŋ aituynşa, jaŋa käsıporyn eldegı öŋdeu quatyn arttyryp, otandyq süt öndıruşıler üşın tūraqty ötkızu naryǧyn qalyptastyruǧa mümkındık beredı.
Öz kezegınde Solico Group prezidentı Golam Äli Süleimani Qazaqstandy ūzaq merzımdı strategiialyq serıktes retınde qarastyratynyn aitty. Sondai-aq kompaniia kartopty öŋdeu jäne balalar taǧamyn öndıru baǧytynda da jaŋa jobalardy ıske asyru mümkındıgın zerttep jatyr. Kelısım aiasynda investorǧa öndırıs alaŋyna qajettı injenerlık infraqūrylymdy jetkızudı qosa alǧanda, memlekettık qoldau şaralary ūsynylady.
Zauytty 2029 jyly paidalanuǧa beru josparlanǧan. Joba aiasynda kemınde 400 tūraqty jūmys orny aşylyp, qazaqstandyq mamandar oqytylyp, zamanaui öndırıstık tehnologiialar engızıledı. Būdan bölek, 2028–2038 jyldar aralyǧynda kompaniia Almaty oblysyndaǧy äleumettık bastamalar men jergılıktı qauymdastyqtardy qoldauǧa jyl saiyn şamamen 50 million teŋge böludı josparlap otyr.
