Vetnamdyq Green SM taksi servisı Qazaqstandaǧy jūmysynyŋ egjei-tegjeiın jariialad, dep habarlaidy "Adyrna" ūlttyq portaly.
Kompaniianyŋ Forbes Kazakhstan basylymyna bergen mälımetıne säikes, qyzmet körsetu Almaty qalasynda 2026 jyldyŋ mausym aiynyŋ soŋynda bastalady.
Green SM qyzmetınıŋ operatory – Green And Smart Mobility Kazakhstan. Kompaniia ökılderınıŋ aituynşa, alǧaşqy kezeŋde jolauşylardy tasymaldauǧa elektrlı VinFast VF 6 kölıkterı paidalanylady. Alǧaşqy ailarda ıske qosylatyn avtokölıkterdıŋ naqty sany äzırge jariialanǧan joq.
Qazır kompaniia Almaty qalasyndaǧy ıske qosuǧa basymdyq berıp otyr. Qazaqstannyŋ özge öŋırlerıne şyǧu turaly şeşım keiınırek qabyldanady.
Green SM qyzmetınıŋ basty erekşelıgı – taksi parkı tolyqtai elektrlı kölıkterden tūrady. Kompaniia būl şeşımdı özınıŋ negızgı bäsekelestık artyqşylyqtarynyŋ bırı dep sanaidy. Sonymen qatar jürgızuşılerdı daiarlau men qyzmet körsetu sapasyna erekşe köŋıl bölınbek. Servis korporativtık klienttermen de jūmys ısteudı josparlap otyr.
Green SM-nıŋ Qazaqstan naryǧyna şyǧu jospary alǧaş ret 2025 jyldyŋ soŋynda belgılı bolǧan edı. Al 2026 jyldyŋ köktemınde kompaniia Almatyda jürgızuşıler men qyzmetkerlerdı ırıkteudı bastap, mausym aiynyŋ basynda jūmys şarttaryn jariialady.
