Almaty. Qaŋtardan berı 333 moped oqiǧasynan 14 adam qaza tapqan, 335 adam jaralanǧan

Jergılıktı polisiia qyzmetınıŋ mälımetınşe, Almatyda jyl basynan berı mopedterdıŋ qatysuymen 333 jol-kölık oqiǧasy oryn alyp, sonyŋ saldarynan 14 adam qaza tauyp, taǧy 355 adam jaraqat alǧan, dep habarlaidy "Adyrna" ūlttyq portaly. Būl turaly mälımetpen Almaty PD bölıstı.  "Mopedterdı paidalanudaǧy negızgı qauıpterdıŋ bırı olardyŋ jyldamdyǧy men quatynyŋ artuy bolyp tabylady. Eger mopedtıŋ silindrınıŋ kölemı 50 tekşe santimetrden jäne maksimaldy jobalyq jyldamdyǧy saǧatyna 50 km-den asatyn bolsa, ol jolda aitarlyqtai qauıp töndıredı. Mūndai mopedter auyr jol-kölık oqiǧalaryn tudyruy mümkın." -Jol qozǧalysyna qatysuşylardyŋ jaraqat aluyna jäne tıptı ölımıne äkeletın kölık apattary oryn aluy da ǧajap emes. Qazırgı uaqytta balamaly kölık türlerı jastar arasynda tanymal boldy. Tek eŋ konservativtı baǧalaular boiynşa, olardyŋ 50 myŋnan astamy Almaty joldarynda jüredı, säikesınşe, būl faktor jalpy jol-kölık oqiǧasy deŋgeiıne kerı äserın tigızude», - dedı Almaty qalasy Polisiia departamentı jol kölık oqiǧalary boiynşa aǧa inspektory Däuren Myrzahanov. Onyŋ aituynşa, joldaǧy qaiǧyly oqiǧalar jalǧasuda. Ötken aptada Almatyda adam ölımıne äkelgen apattardyŋ bırı boldy. «Mopedterdı paidalanu mäselesı bır künde şeşılmeidı, qalamyzdyŋ joldaryndaǧy qauıpsızdıktı qamtamasyz etu üşın moped ielerınıŋ jäne jalpy jūrtşylyqtyŋ küş-jıgerınıŋ bırlıgı qajet. Būl üşın äuelı ärbır jolauşyny öz jauapkerşılıgın tüsınuge jäne azamattardy jol qozǧalysy erejelerın qataŋ saqtauǧa şaqyramyn», - dep tüiındedı sözın Myrzahanov.