Almatyda normatıvti merzim boıynsha jylý berý maýsymy 15 qazanda bastalady. Biraq kún salqyndap ketetindeı jaǵdaı týyndasa jylý erterek beriledi. Bul týraly qalalyq energotıimdilik jáne ınfraqurylymdyq damý basqarmasynyń basshysy Evgenıı Pak aıtty, dep habarlaıdy ”Adyrna” ulttyq portaly "Almaty" telearnasyna silteme jasap.
Jylytý maýsymy bastalǵanda ádette eń aldymen áleýmettik nysandarǵa, onyń ishinde mektepter men mektepke deıingi oqytý nysandaryna, bilim berý oryndaryna jylý qosylady. Sodan soń kópqabatty turǵyn úılerge jylý beriledi. Odan keıin ózge nysandardyń bárine beriledi.
"Normatıvti merzim boıynsha qalada jylý 15 qazanda beriledi. Alaıda eger aýanyń ortasha táýliktik temperatýrasy 5 kún qatarynan +8 gradýs jáne odan tómen bolsa, 15 qazandy kútpeımiz. Kún kúrt sýyp ketken jaǵdaıda birden jylý qosamyz", – dedi Evgenıı Pak.
Basqarma basshysy qala jylytý maýsymyna 100% daıyn ekenin atap ótti.
