الماتىدا ءنورماتيۆتى مەرزىم بويىنشا جىلۋ بەرۋ ماۋسىمى 15 قازاندا باستالادى. بىراق كۇن سالقىنداپ كەتەتىندەي جاعداي تۋىنداسا جىلۋ ەرتەرەك بەرىلەدى. بۇل تۋرالى قالالىق ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى ەۆگەني پاك ايتتى، دەپ حابارلايدى ”ادىرنا” ۇلتتىق پورتالى "الماتى" تەلەارناسىنا سىلتەمە جاساپ.
جىلىتۋ ماۋسىمى باستالعاندا ادەتتە ەڭ الدىمەن الەۋمەتتىك نىساندارعا، ونىڭ ىشىندە مەكتەپتەر مەن مەكتەپكە دەيىنگى وقىتۋ نىساندارىنا، ءبىلىم بەرۋ ورىندارىنا جىلۋ قوسىلادى. سودان سوڭ كوپقاباتتى تۇرعىن ۇيلەرگە جىلۋ بەرىلەدى. ودان كەيىن وزگە نىسانداردىڭ بارىنە بەرىلەدى.
ء"نورماتيۆتى مەرزىم بويىنشا قالادا جىلۋ 15 قازاندا بەرىلەدى. الايدا ەگەر اۋانىڭ ورتاشا تاۋلىكتىك تەمپەراتۋراسى 5 كۇن قاتارىنان +8 گرادۋس جانە ودان تومەن بولسا، 15 قازاندى كۇتپەيمىز. كۇن كۇرت سۋىپ كەتكەن جاعدايدا بىردەن جىلۋ قوسامىز", – دەدى ەۆگەني پاك.
باسقارما باسشىسى قالا جىلىتۋ ماۋسىمىنا 100% دايىن ەكەنىن اتاپ ءوتتى.
