اقش-تىڭ اراعايىندىعىمەن رەسەي مەن ۋكراينا اراسىنداعى كەلىسسوزدەردىڭ جاڭا كەزەڭى 10-11 قاراشادا بىرىككەن اراب امىرلىكتەرىنىڭ استاناسى ابۋ-دابي قالاسىندا وتەدى، دەپ حابارلايدى "ادىرنا" ۇلتتىق پورتالى.
بۇل تۋرالى اقش پرەزيدەنتىنىڭ ارنايى وكىلى ستيۆ ۋيتكوفف ايتتى.
ونىڭ سوزىنشە، كەلىسسوزدەر جۇمىس توپتارى دەڭگەيىندە ۇيىمداستىرىلادى. تاراپتار سوعىستان كەيىنگى قاۋىپسىزدىك ماسەلەلەرىن، شيەلەنىستى باسەڭدەتۋ جولدارىن، گۋمانيتارلىق باستامالاردى جانە بەيبىتشىلىككە قول جەتكىزۋدىڭ كەلەسى قادامدارىن تالقىلايدى.
سونداي-اق وسى اپتادا اقش وكىلدەرى بريۋسسەلدە فرانتسيا، گەرمانيا، ۇلىبريتانيا، ەۋروپالىق وداق جانە ناتو وكىلدەرىمەن كەزدەسەدى. كەزدەسۋدە ۋكرايناعا بەرىلەتىن قاۋىپسىزدىك كەپىلدىكتەرى، ەۋروپانىڭ سوعىستان كەيىنگى قاۋىپسىزدىك جۇيەسى جانە ۋكراينانى قالپىنا كەلتىرۋگە كورسەتىلەتىن ەكونوميكالىق قولداۋ ماسەلەلەرى قارالادى.
ستيۆ ۋيتكوفف بۇعان دەيىن كيەۆ، وسلو جانە سانكت-پەتەربۋرگ قالالارىندا جۇرگىزىلگەن كەلىسسوزدەر بارىسىندا قول جەتكىزىلگەن ىلگەرىلەۋدى نىعايتۋعا ءۇمىت ءبىلدىردى. ونىڭ سوزىنشە، باستى ماقسات – ۇزاق مەرزىمدى قاۋىپسىزدىكتى قامتاماسىز ەتەتىن جان-جاقتى ءارى تۇراقتى بەيبىت كەلىسىمگە قول جەتكىزۋ.
ايتا كەتەيىك، اقش-تىڭ اراعايىندىعىمەن رەسەي مەن ۋكراينا اراسىنداعى بۇعان دەيىنگى كەلىسسوزدەر 2026 جىلعى اقپاندا وتكەن.
