2025 jylǧy 1–15 jeltoqsan aralyǧynda «Zaŋ jäne tärtıp» jalpyūlttyq narrativı aiasynda Almaty qalasynyŋ mektepterı men kolledjderınde jasöspırımderdı qarjylyq qauıpsızdıkke oqytuǧa jäne zamanaui sifrlyq qaterlerden qorǧauǧa baǧyttalǧan respublikalyq «Qarzhy Saqshysy» kompiuterlık oiyny ötkızılude.
Joba Almaty qalasy boiynşa Ekonomikalyq tergep-tekseru departamentı men Almaty qalasy Bılım basqarmasynyŋ bırlesıp jüzege asyruymen ıske asuda. Oiyn AML Academy tarapynan Qarjylyq monitoring agenttıgımen bırlesıp, Qazaqstan Respublikasy Oqu-aǧartu ministrlıgınıŋ qoldauymen äzırlengen.
Jobanyŋ maqsaty — jasöspırımderdıŋ qarjylyq sauattylyǧyn arttyru jäne sifrlyq ortada jauapty mınez-qūlyq qalyptastyru.
«Qarzhy Saqshysy» - oiyny jasöspırımderdı jastar arasynda jiı kezdesetın qarjylyq alaiaqtyqtyŋ türlı shemalarymen tanystyrady:
• qarjylyq piramidalar;
• dropperlık äreketter;
• fişingtık şabuyldar;
• äleumettık jelıler men messendjerlerdegı alaiaqtyq türlerı;
• sifrlyq gigienanyŋ negızgı qaǧidalary.
Oiynnyŋ interaktivtı formaty 10–11-synyp oquşylary men kolledj studentterıne beiımdelgen praktikalyq tapsyrmalardy, şaǧyn jaǧdailardy jäne sūraqtardy qamtidy. Mūndai täsıl jasöspırımderge teoriialyq bılımdı meŋgerumen qatar, naqty sifrlyq jaǧdailarda qauıpsız mınez-qūlyq daǧdylaryn qoldanuǧa mümkındık beredı.
Oiyn qorytyndysy boiynşa üzdık qatysuşylar baǧaly syilyqtar men diplomdarmen marapattalady. Ūiymdastyruşylardyŋ pıkırınşe, būl joba profilaktikanyŋ tiımdı qūralyna ainalyp, megapolis mektepterı men kolledj studentterınıŋ qarjylyq qauıpsızdık deŋgeiın arttyruǧa yqpal etedı.
