Almatylyq «Qairat» komandasynyŋ qaqpaşysy Temırlan Anarbekov reitingte köş bastady, dep habarlaidy "Adyrna" ūlttyq portaly.
Sofascore statistikalyq portalynyŋ nūsqasy boiynşa UEFA Chempiondar ligasynyŋ biylǧy mausymyndaǧy üzdık oiynşylar qataryna kırıp, reitingte bırınşı orynǧa şyqqan.
Qazırgı taŋda Chempiondar ligasynda öner körsetıp jatqan futbolşylar arasynda nebärı tört oiynşy ǧana 8.00 jäne odan joǧary ball jinai alǧan. Sol törttıktıŋ köşın qazaqstandyq qaqpaşy Anarbekov bastap tūr.
Sofascore reitingı boiynşa:
-
Temırlan Anarbekov («Qairat») — 8.90 ball
-
Kilian Mbappe («Real Madrid») — 8.34
-
Viktor Osimhen («Galatasarai») — 8.33
-
Nikita Haikin («Budio-Glimt») — 8.10
Astanada ötken «Qairat» pen «Olimpiakos» komandalary arasyndaǧy oiynda Temırlan Anarbekov UEFA tarapynan kezdesudıŋ üzdık oiynşysy (MVP) ataǧyn ielendı. Qaqpaşynyŋ sol oiyndaǧy körsetkışı 9,2 ball bolyp baǧalandy. Match barysynda ol 8 qauıptı soqqyny qaitardy.
Temırlan Anarbekov — Qazaqstan atynan Chempiondar ligasynyŋ MVP ataǧyn alǧan alǧaşqy futbolşy.
Sonymen qatar UEFA qazaqstandyq qaqpaşynyŋ ekı seivın jeke atap ötıp, olardy Chempiondar ligasynyŋ alǧaşqy künınde ötken toǧyz kezdesudegı üzdık seivter qataryna engızdı.
