Almatyda atyşuly bloger, "elitalyq eskorttar" jelısın qūruşy bas bostandyǧynan aiyryldy, dep habarlaidy "Adyrna" ūlttyq portaly.
Būl turaly Äuezov audandyq sotynyŋ baspasöz qyzmetı habarlady.
Jelıde bırneşe ai būryn "Aikanyŋ tızımı" atty aqparat jariialanǧan bolatyn. Onda türlı öner jūldyzdary men beldı adamdardyŋ da esımı bar.
Ol aqşaǧa seksualdyq qyzmet körsetuge daiyn kelbettı qyzdardy ızdep, bai klientterdı tartumen ainalysqan. Atyşuly tızımı qoǧamda bıraz şu tudyrǧan sottaluşy mefedrondy zaŋsyz iemdengen, saqtaǧan jäne tasymaldaǧan, sondai-aq jeŋgetailyq jasaǧany üşın kınälı dep tanyldy.
Blogerdıŋ üstınen ekı bap boiynşa qylmystyq ıs qozǧalǧan.
309-baby “Jezökşelıkpen ainalysuǧa pritondar ūiymdastyru jäne jeŋgetailyq” jäne 297-baby “Esırtkı qūraldaryn, psihotroptyq zattardy, olardyŋ analogtaryn ötkızu maqsatynda zaŋsyz daiyndau, qaita öŋdeu, satyp alu, saqtau, tasymaldau” boiynşa sotqa deiıngı ıs qozǧalǧan.
Is materialdaryna säikes, qyz 2023 jyldyŋ mamyr aiynda satu maqsatynsyz asa ırı mölşerde mefedrondy (psihotroptyq zatty) zaŋsyz satyp alyp, özımen bırge zaŋsyz tasymaldaǧan. Ūstau kezınde polisiia qyzmetkerlerı sottaluşynyŋ sömkesınen psihotroptyq zat tärkıledı.
«Sonymen qatar, 2020-2023 jyldary M., materialdyq paida alu maqsatynda, bır top adam T.-men bırlesıp, qyzdardy aqşa üşın intimdık qyzmetke salǧan. Sottaluşylardyŋ kınäsı kuälardyŋ aiǧaqtarymen, saraptama qorytyndysymen jäne ıs boiynşa basqa da materialdarmen däleldengen», - dep atap öttı sot.
Sot barysynda boijetken öz kınäsın moiyndaǧanymen, onyŋ sybailasy bärın joqqa şyǧardy. Prokuror Aikany 4 jylǧa bas bostandyǧynan, al sybailasyn 3,5 jylǧa sottaudy sūrady.
Sot blogerdı 6 jyl 6 aiǧa bas bostandyǧynan aiyrdy. Sybailasy 3 jyl 8 aiǧa bas bostandyǧynan aiyryldy.
Sottyŋ ükımı zaŋdy küşıne engen joq.
Qazaqstandyqtar Instagram jelısınde «elitalyq eskort qyzdar» jelısınıŋ ūiymdastyruşysyn tapty
"Aika" atymen tanymal blogerdıŋ Instagram äleumettık jelısınde 100 myŋnan astam jazyluşysy bar. Ol oqyrmandaryna özın model, bloger retınde tanystyrǧan.
Ūqsas jaŋalyqtar
