Qazaqstanda 11 memlekettıŋ jetekşı joǧary oqu oryndary öz filialdaryn aşqan. Qazır būl bılım beru ūiymdarynda 12 myŋnan astam student bılım alyp, 1,5 myŋǧa juyq oqytuşy jūmys ısteidı, dep habarlaidy "Adyrna" tılşısı.
Olardyŋ 600-den astamy – şeteldık professorlar.
Būl turaly Memleket basşysy Qasym-Jomart Toqaev aitty. Prezidenttıŋ aituynşa, elımızde joǧary bılım beru salasyndaǧy halyqaralyq strategiialyq serıktestık aiasynda 40 kelısım jüzege asyrylyp jatyr.
Sonymen qatar Memleket basşysy Qazaqstannyŋ Lissabon jäne Tokio konvensiialaryna qosylǧanyn atap öttı. Būl halyqaralyq qūjattar qazaqstandyq joǧary oqu oryndarynyŋ diplomdaryn şetelde tanuǧa mümkındık beredı.
«Qazaqstan osy aimaqta alǧaşqylardyŋ bırı bolyp Europadaǧy Lissabon jäne Aziia-Tynyq mūhity aimaǧyndaǧy Tokio konvensiialaryna qosyldy. Būl – qazırgı äl-Farabi atyndaǧy Qazaq ūlttyq universitetınıŋ rektory, būrynǧy bılım jäne ǧylym ministrı, elşı Janseiıt Tüimebaevtyŋ eŋbegı. Sonyŋ nätijesınde endı Qazaqstan universitetterınıŋ diplomdary Batys jäne Şyǧys elderınde moiyndalatyn boldy», – dedı Prezident Qasym-Jomart Toqaev.
Aita keteiık, soŋǧy uaqytta äl-Farabi atyndaǧy Qazaq ūlttyq universitetınde bolǧan qaiǧyly oqiǧalar qoǧam nazaryn audardy. On kün ışınde universitettıŋ ekı bırınşı kurs studentı köz jūmǧan. Osy jaǧdailarǧa bailanysty ǧylym jäne joǧary bılım ministrlıgı oqu ornynda tekseru jürgızetının mälımdegen. Al universitet rektory tarapynan äzırge resmi tüsınıkteme berılgen joq.
M. Qozybaev atyndaǧy SQU men Arizona universitetı ǧylymi yntymaqtastyqty keŋeitıp, innovasiialyq jobalardy ıske asyruda
