Aýǵanstandaǵy bılikti basyp alǵan "Talıban" qozǵalysy qyzdardyń ýnıversıtetke túsýine tyıym saldy, dep jazady "Adyrna" ulttyq portaly.
"Úkimettiń (Talıban) sheshimine sáıkes qyzdarǵa kelesi buıryqqa deıin joǵary bilim berýge tyıym salynady", - delingen joǵary bilim mınıstrliginiń Jarlyǵynda.
Endigári Aýǵanstan bıligi memlekettik jáne jeke ýnıversıtetterde qyz balalardy oqytpaımyz dep sheshim qabyldap, buıryqqa sáıkes ony múmkindiginshe tezirek qoldaný jáne qabyldanǵan sharalar týraly mınıstrlikke habarlaý qajet ekendigi atap ótilgen.
Bul sheshimge halyqaralyq deńgeıde dereý jaýap berildi.
BUU Bas hatshysy Antonıý Gýterrısh bul sheshimdi "óte alańdatarlyq qadam" dep tanyp, tálipter"ýádeńi buzdy" dep aıyptady.
«Áıelderdiń belsendi qatysýynsyz jáne olardyń biliminsiz eldiń qalaı damyp, túıtkildi máselelerdi sheshe alatynyn elestetý qıyn», - dedi uıym basshysy.
Esterińizge sala keteıik,Talıban qozǵalysy 2021 jyldyń tamyzynda bılikke kelgennen keıin áıelderge tolyq orta bilim alýǵa tyıym saldy (tek altynshy synypqa deıin bastaýysh bilim alýǵa ruqsat etildi), sonymen qatar olar kóshede jáne qoǵamdyq oryndarda parandja kııýge mindetteldi.
"Adyrna" ulttyq portaly
