Almaty äkımı Darhan Satybaldy qalada jeŋıl relstı kölık (LRT) jelısın salu turaly qaulyǧa qol qoidy. Joba aiasynda qalanyŋ tört audanynda 270 jer uchaskesı memleket qajetıne alynady, dep habarlaidy "Adyrna".
LRT jelısı Alatau, Jetısu, Almaly jäne Äuezov audandarynda salynady. Jobanyŋ deposy Sokpaqbaev köşesı, 72 mekenjaiynda ornalasady.
Alǧaşqy jelı Almaty-2 temırjol vokzalynan bastalyp, Abylai han daŋǧyly, Töle bi köşesı, Momyşūly köşesı arqyly ötıp, Alatau audanyndaǧy depoǧa deiın jetedı.
Jerlerı satyp alynatyn menşık ielerınıŋ qatarynda K3 Group Invest kompaniiasy bar. Sonymen qatar, ondaǧan uchaske qalalyq mobildık basqarmasyna qarasty «Almaty parking» kommunaldyq käsıpornynan, «RTS Deko», Terra Invest Group jäne basqa da ūiymdardan satyp alynady.
Mäjbürlı türde satyp alu üderısı 2028 jyldyŋ 31 jeltoqsanyna deiın aiaqtaluy tiıs. Odan keiın jer telımderı jol infraqūrylymyn damytu basqarmasyna berılıp, LRT jobasyn jüzege asyru jūmystary bastalady.
