Qazaqstan Respublikasy Parlamentı Mäjılısınıŋ Ekonomikalyq reforma jäne öŋırlık damu komitetınıŋ müşesı Syrym Ertaev Mahambetūlymen sauda-ekonomikalyq yntymaqtastyq jaiynda, sondai-aq şaǧyn jäne orta biznestı damytu jobalary jönınde «Adyrna» ūlttyq portalynyŋ tılşısı sūhbattasqan bolatyn.
- Özbekstanmen şekaralas aumaqtarda sauda-ekonomikalyq yntymaqtastyq ortalyǧyn aşu turaly közqaras, pıkırıŋız qandai?
- Közqaras oŋ, būl joba "Nūr Otan" partiiasynyŋ jol kartasynda äzırlengen. Memleketpen tıkelei osy joba boiynşa jūmystar atqarylyp jatyr. Ekı el arasyndaǧy qarym- qatynas öte jaqsy ekenıne el kuä. Auyl şaruaşylyq tauar önımderınıŋ köbı Özbekstannan kelıp jatyr. Sondyqtan, sauda-ekonomikalyq yntymaqtastyq ortalyǧyn aşu ekı jaqqa da tiımdı bolary sözsız. Būl qazırgı taŋda öte özektı mäselelerdıŋ bırı bop talqylanyp jatyr.
Bügın öz instagram paraqşaŋyzǧa öndırıs baǧdarlamasyna bölınetın qarjynyŋ artuy turaly mälımdeme jasadyŋyz.
- Şaǧyn jäne orta biznestı damytuǧa naqty qandai joba josparlaryŋyz bar?
- Bızdıŋ eldıŋ öndırıstı damytu fondy bır käsıpkerge on jylǧa 6%-ben 1,8 milliard teŋge öndırıske ǧana beretın. Ärbır käsıpkerge talap qoiady.
Mysaly, bır käsıporyn süt fabrikasyn aşar bolsa:
1. Oǧan arnaiy jabdyqtardyŋ barlyǧyn şetelden aldyrtu qajet
2. Talaptary mındettı türde sanitarlyq normaǧa säikes boluy kerek
3. Laboratoriiasy boluy kerek
Sol aitylǧan talaptardyŋ barlyǧy 100 % oryndalǧan jaǧdaida ǧana käsıporyndarǧa bölıngen 1,8 milliard teŋgenı ala alady.
Alaida, käsıpkerlerge būl bölınetın 1,8 milliard teŋge öte az. Sondyqtan bız būl qarajatty 5 milliard teŋgege deiın köterudı ūsyndyq. Är käsıporyn mındettelgen talaptardy oryndai otyra, öz biznesın damytuǧa ärı qarai mümkındık alady. Bastysy, şyǧynǧa batyp jürmei, arnaiy bölıngen qarajatpen alǧa jyljymaq. Öndırgen önımderdı eksporttaityn bolady.
Iаǧni, barlyq käsıporyndardyŋ önımderın şetelge şyǧaru üşın onyŋ 40-50 % mölşerlemelı şyǧyndary qaitarylady.
1.Jolaqy şyǧyny
2.Jarnama şyǧyny
Bız qazırgı taŋda osyndai öndırıs baǧdarlamalaryn keŋeituımız qajet. Bız qoldau körsetuımız qajet. Şaǧyn jäne orta biznes ökılderıne mümkındık berıp, būl el ekonomikasyna ülken qarqyn qosady.
- Qazaqstanda jūmyssyz jürgen jastar öte köp. Būl şeşımıŋız köpke jūmys ūsynǧaly tūr. Alyp-qosaryŋyz bar ma?
- İä, joba jüzege asyp, ūsynys maqūldansa qanşama adam jūmyspen qamtylmaq. Täjıribe jinaqtaidy.
Taǧy aita ketetın jait, memleket öte jaqsy qoldau körsetude. Bızde arnaiy salaǧa sai tehnolog mamandar tapşy bolǧandyqtan, şetelden aldyrtamyz. 50 paiyz jalaqylaryn memleket tölep berıp jatyr. Būl bızge ülken kömek.
"Adyrna" ūlttyq portaly
Ūqsas jaŋalyqtar
