ۇلتتىق قۇراماداعى بوكسشى قىزداردى باپكەرلەر “لەسبي” قىلۋدا - ايدا ساتىبالدينوۆا

5504

بوكسشى ايدا ساتىبالدينوۆا قازاقستان ايەلدەر قۇراماسىندا قىزدار ءداستۇرلى ەمەس سەكسۋالدى قارىم-قاتىناستا بولىپ جۇرگەندەرىن جاسىرمادى، دەپ حابارلايدى “ادىرنا” ۇلتتىق پورتالى. 

ايدا ساتىبالدينوۆا ءوز Instagram جەلىسىندە ۆيدەو-ۇندەۋ جاساپ، ۇلتتىق قۇراما ساپىنداعى بوكسشى قىزداردىڭ ءداستۇرلى ەمەس سەكسۋالدى قارىم-قاتىناستى ۇستاناتىنىن جايىپ سالدى. بۇل سۇمدىقتى باپكەرلەردىڭ وزدەرى شاكىرت ميىنا سانالى تۇردە ۇيرەتىپ جاتقانىن تىلگە تيەك ەتتى.

«باپكەرلەر دە، باسشىلار دا مۇنىڭ ءبارىن بىلەدى. بىراق، بارىنە كوز جۇما قارايدى»، دەگەن ايدا ساتىبالدينوۆا ايەلدەر قۇراماسىنداعى جاعدايدى ءتۇسىندىردى.

ايدانىڭ ايتۋىنشا، ءار باپكەردىڭ قالاۋى شاكىرتىڭ وليمپيادا ويىندارىنىڭ جەڭىمپازى اتاندىرۋ. الايدا، قىزداردىڭ ءومىرى وزگەرىپ كەتۋى 1-اق مينۋت. “تۇرمىسقا شىعامىن نەمەسە اياعىم اۋىر” دەپ بوكستى تاستاپ كەتەدى. سول سەبەپتى باپكەرلەر وسىنداي امالداردى قولدانىپ جاتىر.

«بۇل باپكەرلەر ءۇشىن ءتيىمدى ەمەس. قانشا جىل شاكىرتى ءۇشىن بارىن سالادى، ال ولار بوكستى تاستاپ كەتە بارادى. سول ءۇشىن بوكسشى قىزداردى سپورتتا ۇستاپ قالۋ ءۇشىن، جاتتىعۋ كەزىندە، جارىس كەزىندە ءبىر-ءبىرىن جاقسى كورىپ قالۋى ءۇشىن بارىنشا ىنتالاندىرادى، سونىڭ جولىن قاراستىرادى.

ارينە، اركىمنىڭ جەكە ءومىرى بار. كىمدى سۇيسە دە، اركىم ءوزى بىلەدى. بىراق، مەن مۇندايدى وسكەلەڭ ۇرپاقتىڭ بويىنا سانالى تۇردە سىڭىرۋگە قارسىمىن. بىراق وسىلاي بولىپ جاتىر. مەنىڭشە، بۇعان ەڭ الدىمەن باپكەرلەر كىنالى. ولار شاكىرتتەرىنە دۇرىس يدەولوگيا جۇرگىزۋى كەرەك. بىراق ولار باس پايداسى ءۇشىن وسىنداي ارەكەتكە بارىپ وتىر. ولاردى قىزداردىڭ بولاشاعى، الداعى تاعدىرى الاڭداتىپ وتىرعان جوق»، - دەيدى بوكسشى.

”ادىرنا” ۇلتتىق پورتالى 

پىكىرلەر
ۇقساس جاڭالىقتار