پرەزيدەنت قاسىم-جومارت توقاەۆ 2027 جىل جالپىحالىقتىق اۋقىمدى قۇرىلىس جىلى دەپ جاريالاۋدى ۇسىندى، دەپ حابارلايدى «ادىرنا» ءتىلشىسى.
«كەلەسى جىلدى جالپىحالىقتىق اۋقىمدى قۇرىلىس جىلى دەپ جاريالاۋدى ۇسىنامىن. وسى جىلدىڭ اياسىندا ءار وبلىس ورتالىعىندا، اۋدانداردا، ءتىپتى ەلدى مەكەندەردە ازاماتتىق ينفراقۇرىلىم نىساندارىن سالۋعا جانە جوندەۋگە كىرىسۋىمىز كەرەك»، – دەدى ول.
مەملەكەت باسشىسى جولدار، اۋەجايلار، ۆوكزالدار مەن دەنساۋلىق ساقتاۋ مەكەمەلەرىنىڭ قۇرىلىسىن باستاۋ قاجەتتىگىن اتاپ ءوتتى. سونىمەن قاتار ەرەكشە قاجەتتىلىكتەرى بار بالالارعا ارنالعان وڭالتۋ ورتالىقتارىن سالۋ ماڭىزدى ەكەنىن ايتتى.
بۇدان بولەك، بارلىق وڭىردە شىعارماشىلىق ۇيلەرى، سپورت كەشەندەرى، كىتاپحانالار مەن عىلىمي ورتالىقتار بوي كوتەرۋى ءتيىس. پرەزيدەنت تۇرعىن ءۇي قۇرىلىسىن دا ماڭىزدى مىندەتتەردىڭ ءبىرى رەتىندە اتادى.
قاسىم-جومارت توقاەۆ بۇل باستامالاردىڭ بارلىعى حالىقتىڭ ءال-اۋقاتىن ارتتىرۋعا، اسىرەسە وسكەلەڭ ۇرپاقتىڭ يگىلىگىنە باعىتتالعانىن جەتكىزدى.
