Prezıdent Qasym-Jomart Toqaev Qytaımen vızasyz rejımge qatysty pikir bildirdi. Bul týraly Aqorda jazdy, dep habarlaıdy “Adyrna” ulttyq portaly.
17 mamyrda Qasym-Jomart Toqaev memlekettik saparmen Qytaı Halyq Repsýblıkasyna bardy. Bul týraly Qytaıdyń Sıan qalasynda ótken "Ortalyq Azııa - Qytaı" forýmynda aıtyldy.
“Qazaqstan Qytaı týrısteri úshin tartymdy baǵyttyń biri bola alady. 30 kúnge deıin vızasyz júrý týraly Úkimetaralyq kelisimge qol qoıyldy. Bul qadam elimizge Qytaıdan týrısterdiń kóptep kelýine jol ashary sózsiz, - dedi memleket basshysy qazaq-qytaı dóńgelek ústelinde”.
Ol búginde jańa týrıstik baǵyttar ashylyp jatqanyn atap ótti.
«Qazir Qazaqstannyń 13 qalasyna «Ashyq aspan» rejımi engizildi. Sondaı-aq 80 memlekettiń azamatyna vızasyz kelýge ruqsat berildi», - dedi Qasym-Jomart Toqaev.
Onyń aıýynsha, qazir «Astana» halyqaralyq qarjy ortalyǵynda 73 eldiń 1 800-den asa kompanııasy tirkelgen. Onyń onnan biri – Qytaı kompanııalary. Bul – basqa eldermen salystyrǵanda eń jaqsy kórsetkish.
«Jalpy elimizdegi ınvestıııalyq ahýal óte jaqsy. Kazakh Invest ulttyq kompanııasy shetelden ınvestor shaqyryp, olarǵa «bir tereze» qaǵıdaty boıynsha kómek kórsetedi. Memleket basymdyq berilgen jobalardy barynsha qoldaýǵa daıyn», - dedi prezıdent.
Memleket basshysy Qazaqstan Qytaıdyń «Bir beldeý – bir jol» bastamasyn júzege asyrý isinde negizgi seriktestiń biri ekenin aıtty. Osylaısha, QHR Batys Eýrazııanyń aýqymdy naryǵyna Qazaqstan arqyly shyǵa alady.
«Biz Sıan qalasyndaǵy qurǵaq portta Qazaqstannyń logıstıka ortalyǵyn salýǵa basa mán berip otyrmyz. Ortalyq Azııaǵa, Eýropaǵa, Túrkııa men Iranǵa konteıner poıyzdaryn tikeleı jóneltý barysynda osy ortalyq negizgi hab bolady.
Biz Qytaıǵa qaraı «Aıagóz – Baqty» temir jolyn iske qosýdy josparlap otyrmyz. «Dostyq – Moıynty» arasyndaǵy temir jolǵa kúrdeli jóndeý júrgiziledi. Nátıjesinde temir jol arqyly jyl saıyn 20 mln tonnaǵa deıin júk tasymaldaýǵa múmkindik týady», - dedi Toqaev.
Eýropa men Azııa arasyndaǵy tranzıtti jandandyrý úshin Transkaspıı baǵdaryn damytý mańyzdy.
Bul baǵyttyń bolashaǵy zor. Óıtkeni, Qytaıdan Eýropaǵa aparatyn tóte jol – osy. Onyń uzyndyǵy «Soltústik dálizden» 2,5 myń shaqyrymǵa qysqa.
Qazaqstan Ázerbaıjan, Grýzııa jáne Túrkııa elderimen birlesip, biryńǵaı tarıf saıasatyn qalyptastyrýǵa kiristi. Sonymen qatar ortaq ıfrlyq platforma jasalady. Osy dáliz arqyly júk tasymaldaýdyń basqa da máseleleri sheshimin tabady, - dep túıindedi sózin prezıdent.
Aıta keteıik, 17 mamyrda Qasym-Jomart Toqaev memlekettik saparmen Qytaı Halyq Repsýblıkasyna bardy. Ońtústiktegi kórshimizdiń Sıan qalasyndaǵy «Ortalyq Azııa – Qytaı» forýmynyń qarsańyndaǵy sapardyń alǵashqy kúninde-aq, eki el basshylary birqatar mańyzdy qujatqa qol qoıdy.
