Memleket basşysy Qasym-Jomart Toqaev Gennadii Golovkinnıŋ esımı Halyqaralyq boks daŋqy zalyna resmi türde jazyluymen qūttyqtady. Būl turaly QR prezidentınıŋ baspasöz hatşysy Aibek Smadiiar jazdy, dep habarlaidy "Adyrna".
"Prezident atap ötkendei, būl tarihi uaqiǧa aty aŋyzǧa ainalǧan otandasymyzdyŋ jahandyq sporttaǧy qoltaŋbasy airyqşa maŋyzǧa ie ekenın aiǧaqtaidy. Sondai-aq Qazaqstannyŋ älemdık arenadaǧy şynaiy kelbetı men bedelın qalyptastyruǧa qosqan eleulı ülesın körsetedı", delıngen jazbada.
Memleket basşysynyŋ pıkırınşe, Gennadii Golovkin – elımızdıŋ maqtanyşy ärı halyqaralyq sport qoǧamdastyǧyndaǧy elşısı.
Qasym-Jomart Toqaev dünie jüzındegı eŋ üzdık boksşylardyŋ bırınen ülgı alǧan jas sportşylarymyz jıgerlenıp, biık belesterdı baǧyndyra beretınıne senım bıldırdı.
Aita keteiık, qazaqstandyq boksşy Gennadii Golovkin AQŞ-tyŋ Niu-Iork ştatyndaǧy Kanastota qalasynda ötken saltanatty räsımde Halyqaralyq boks daŋq zalyna qabyldandy.
Ol – būl bedeldı klubqa engen Qazaqstan tarihyndaǧy alǧaşqy sportşy.
Endı Golovkinnıŋ esımı Mūhammed Äli, Maik Taison, Floid Meivezer jäne Menni Pakiao siiaqty boks aŋyzdarynyŋ qatarynda tūr.
Qazırgı uaqytta ol Qazaqstan Ūlttyq Olimpiada komitetın basqarady jäne World Boxing ūiymynyŋ prezidentı qyzmetın atqarady.
