مەملەكەت باسشىسى قاسىم-جومارت توقاەۆ گەننادي گولوۆكيننىڭ ەسىمى حالىقارالىق بوكس داڭقى زالىنا رەسمي تۇردە جازىلۋىمەن قۇتتىقتادى. بۇل تۋرالى قر پرەزيدەنتىنىڭ ءباسپاسوز حاتشىسى ايبەك سماديار جازدى، دەپ حابارلايدى "ادىرنا".
"پرەزيدەنت اتاپ وتكەندەي، بۇل تاريحي ۋاقيعا اتى اڭىزعا اينالعان وتانداسىمىزدىڭ جاھاندىق سپورتتاعى قولتاڭباسى ايرىقشا ماڭىزعا يە ەكەنىن ايعاقتايدى. سونداي-اق قازاقستاننىڭ الەمدىك ارەناداعى شىنايى كەلبەتى مەن بەدەلىن قالىپتاستىرۋعا قوسقان ەلەۋلى ۇلەسىن كورسەتەدى", دەلىنگەن جازبادا.
مەملەكەت باسشىسىنىڭ پىكىرىنشە، گەننادي گولوۆكين – ەلىمىزدىڭ ماقتانىشى ءارى حالىقارالىق سپورت قوعامداستىعىنداعى ەلشىسى.
قاسىم-جومارت توقاەۆ دۇنيە جۇزىندەگى ەڭ ۇزدىك بوكسشىلاردىڭ بىرىنەن ۇلگى العان جاس سپورتشىلارىمىز جىگەرلەنىپ، بيىك بەلەستەردى باعىندىرا بەرەتىنىنە سەنىم ءبىلدىردى.
ايتا كەتەيىك، قازاقستاندىق بوكسشى گەننادي گولوۆكين اقش-تىڭ نيۋ-يورك شتاتىنداعى كاناستوتا قالاسىندا وتكەن سالتاناتتى راسىمدە حالىقارالىق بوكس داڭق زالىنا قابىلداندى.
ول – بۇل بەدەلدى كلۋبقا ەنگەن قازاقستان تاريحىنداعى العاشقى سپورتشى.
ەندى گولوۆكيننىڭ ەسىمى مۇحاممەد ءالي، مايك تايسون، فلويد مەيۆەزەر جانە مەنني پاكياو سياقتى بوكس اڭىزدارىنىڭ قاتارىندا تۇر.
قازىرگى ۋاقىتتا ول قازاقستان ۇلتتىق وليمپيادا كوميتەتىن باسقارادى جانە World Boxing ۇيىمىنىڭ پرەزيدەنتى قىزمەتىن اتقارادى.
