قاسىم-جومارت توقاەۆ جوعارى ەۋرازيالىق ەكونوميكالىق كەڭەستىڭ شاعىن جانە كەڭەيتىلگەن قۇرامدارداعى وتىرىستارىنا قاتىسۋ ءۇشىن ۇلكەن كرەمل سارايىنا كەلدى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
كەڭەستىڭ كەڭەيتىلگەن قۇرامداعى وتىرىسىنا قازاقستان پرەزيدەنتىمەن قاتار، رەسەي فەدەراتسياسىنىڭ پرەزيدەنتى ۆلاديمير پۋتين، ارمەنيا پرەمەر-ءمينيسترى نيكول پاشينيان، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، سونداي-اق ازەربايجان پرەزيدەنتى يلحام اليەۆ قاتىسادى.
ودان بولەك، بەينە بايلانىس ارقىلى جەەك جانىنداعى باقىلاۋشى مەملەكەتتەردەن وزبەكستان پرەزيدەنتى شاۆكات ميرزيوەۆ، كۋبا پرەزيدەنتى ميگەل ماريو دياس-كانەل بەرمۋدەس جانە شاقىرىلعان قوناق رەتىندە تاجىكستان پرەزيدەنتى ەمومالي راحمون قاتىسادى دەپ جوسپارلانىپ وتىر.
قازاقستان پرەزيدەنتى قاسىم-جومارت توقاەۆ كەشە ماسكەۋدەگى ەۋرازيالىق ەكونوميكالىق فورۋمىندا سويلەگەن سوزىندە رەسەي مەن بەلارۋس وداقتىق مەملەكەتتەرى تۋرالى ايتقان.
توقاەۆ ەۋرازيالىق ەكونوميكالىق وداق (ەەو) قۇرامىنداعى رەسەي مەن بەلارۋستىن ورنى ەرەكشە ەكەنىن ايتا كەلىپ، بۇل ۇيىمدا قازاقستان، قىرعىزستان جانە ارمەنيا سياقتى ينتەگراتسيانىڭ باسقا دەڭگەيىندەگى مەملەكەتتەر دە بارىن ەسكە سالدى.
ءبىز نازارعا الۋىمىز كەرەك كونتسەپتۋالدى شىندىق نەمەسە ەرەكشەلىك بار - بۇل بەلارۋس پەن رەسەيدەن تۇراتىن وداق. بۇل وداقتىڭ تۇجىرىمدامالىق جانە يدەولوگيالىق نەگىزى ايتارلىقتاي سالماقتى. بۇل قوعام مويىنداعان ءوزارا مادەني، تىلدىك، ءدىني بىرەگەيلىك. ياعني ءبىر حالىقتىڭ بار ەكەنىن مويىنداۋ، – دەدى قاسىم-جومارت توقاەۆ.
پرەزيدەنت رەسەي مەن بەلارۋستىڭ ەاەو اياسىنداعى وداقتاستىعى الەم تاريحىندا بولماعان تاجىريبەنى تۋىنداتىپ وتىرعانىن ايتتى.
