COVID-19 2021 جىلى رەسەيگە اسەر ەتكەن جالعىز پروبلەما ەمەس، تاعى ءبىر پاندەميا بار، دەيدى رەابيليتولوگ ءارى سالاۋاتتى ءومىر سالتى جونىندەگى ساراپشى الەكساندر فومين. ونىمەن قالاي كۇرەسۋگە بولادى؟بۇل تۋرالى ول Sputnik راديوسىنا بەرگەن سۇحباتىندا مالىمدەدى، دەپ حابارلايدى “ادىرنا” ۇلتتىق پورتالى.
ەكى ءجۇز مىڭنان استام رەسەيلىك COVID-19-دان قايتىس بولدى. الايدا جالعىز بۇل ۆيرۋس قانا ءولىمنىڭ ۇلكەن كورسەتكىشىن كورسەتپەيتىنىن اشىپ ايتتى.
"مەنىڭ ويىمشا، بىزدە جۇرەك-قان تامىرلارى اۋرۋلارىنان بولاتىن ءولىم-ءجىتىم سانى 50% قۇرايدى. بۇل تىپتەن ەكىنشى ىندەت دەسەكتە بولادى. كەيبىر ەلدەردە بۇل كورسەتكىش الدەقايدا تومەن", - دەدى فومين.
جاعدايدى مىندەتتى تۇردە رەتتەۋ كەرەك. جاعدايدى دۇرىستاۋ تەك دارىگەرلەرگە عانا بايلانىستى ەمەس. ءار ادام كوبىرەك قوزعالا باستاسا، جۇرەك-قان تامىرلارى اۋرۋلارىنىڭ قاۋپىن ءوزى ازايتا الادى، دەدى تەراپەۆت.
دەمەك، جۇمىسىن وتىرىپ ىستەيتىن ادامدار بوس ۋاقىتىندا داستارحان باسىندا ساعاتتاپ وتىرماۋى كەرەك.
"جۇرەكتىڭ يشەميالىق اۋرۋى مەن گيپەرتونيا داميدى، ويتكەنى ءبىز قوزعالمايمىز، ءبىز وتىرۋعا كوپ ۋاقىت جۇمسايمىز. كەم دەگەندە ساعاتىنا ءبىر رەت تۇرىپ، قوزعالۋ كەرەك", - دەپ كەڭەس بەردى الەكساندر فومين.
بىراق بۇل، ارينە، جەتكىلىكسىز.
"كۇنىنە تاعى 45 مينۋتتان 90 مينۋتقا دەيىن بەلسەندى جۇرۋگە ارنالۋ كەرەك. بەلسەندى ءومىر سالتى ءۇشىن جۇگىرۋدىڭ قاجەتى جوق، تەك جاياۋ ءجۇرۋ كەرەك", - دەپ ءتۇسىندىردى مامان Sputnik راديوسىنا بەرگەن سۇحباتىندا.
“ادىرنا” ۇلتتىق پورتالى
