COVID-19 2021 jyly Reseıge áser etken jalǵyz problema emes, taǵy bir pandemııa bar, deıdi reabılıtolog ári salaýatty ómir salty jónindegi sarapshy Aleksandr Fomın. Onymen qalaı kúresýge bolady?Bul týraly ol Sputnik radıosyna bergen suhbatynda málimdedi, dep habarlaıdy “Adyrna” ulttyq portaly.
Eki júz myńnan astam reseılik COVID-19-dan qaıtys boldy. Alaıda jalǵyz bul vırýs qana ólimniń úlken kórsetkishin kórsetpeıtinin ashyp aıtty.
"Meniń oıymsha, bizde júrek-qan tamyrlary aýrýlarynan bolatyn ólim-jitim sany 50% quraıdy. Bul tipten ekinshi indet desekte bolady. Keıbir elderde bul kórsetkish áldeqaıda tómen", - dedi Fomın.
Jaǵdaıdy mindetti túrde retteý kerek. Jaǵdaıdy durystaý tek dárigerlerge ǵana baılanysty emes. Ár adam kóbirek qozǵala bastasa, júrek-qan tamyrlary aýrýlarynyń qaýpin ózi azaıta alady, dedi terapevt.
Demek, jumysyn otyryp isteıtin adamdar bos ýaqytynda dastarhan basynda saǵattap otyrmaýy kerek.
"Júrektiń ıshemııalyq aýrýy men gıpertonııa damıdy, óıtkeni biz qozǵalmaımyz, biz otyrýǵa kóp ýaqyt jumsaımyz. Kem degende saǵatyna bir ret turyp, qozǵalý kerek", - dep keńes berdi Aleksandr Fomın.
Biraq bul, árıne, jetkiliksiz.
"Kúnine taǵy 45 mınýttan 90 mınýtqa deıin belsendi júrýge arnalý kerek. Belsendi ómir salty úshin júgirýdiń qajeti joq, tek jaıaý júrý kerek", - dep túsindirdi maman Sputnik radıosyna bergen suhbatynda.
“Adyrna” ulttyq portaly
