مەملەكەت باسشىسى تاجىكستان پرەزيدەنتى ەمومالي راحمونمەن تەلەفون ارقىلى سويلەستى. بۇل تۋرالى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
پرەزيدەنتتەر ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتى نىعايتۋ پەرسپەكتيۆالارىن تالقىلاپ، ايماقتاعى وزەكتى ماسەلەلەر جونىندە پىكىر الماستى.
ەكى ەل ۇكىمەتتەرى اراسىنداعى تابىستى ءوزارا ءىس-ارەكەت، سونىڭ ىشىندە ءوزارا تاۋار اينالىمىنىڭ وڭ قارقىنى تۋرالى ايتىلدى.
اڭگىمەلەسۋ بارىسىندا قاسىم-جومارت توقاەۆ ەمومالي راحموندى 70 جاسقا تولعان مەرەيتويىمەن قۇتتىقتاپ، باۋىرلاس تاجىكستان حالقىنىڭ يگىلىگى جولىنداعى جاۋاپتى مەملەكەتتىك قىزمەتىنە تابىس تىلەدى.
