«Qazaqmys» korporasiiasy men şeteldık China National Chemical Engineering (CNCEC) kompaniiasy Jezqazǧan mys balqytu zauytynda jaŋa kükırt qyşqyly sehyn salu turaly memorandumǧa qol qoidy.
Maŋyzdy qūjatqa qol qoiu räsımıne Ūlytau oblysynyŋ äkımı Eset Baiken, «Qazaqmys» korporasiiasy» JŞS Basqarma töraǧasy Ruslan Öskenälı jäne CNCEC Direktorlar keŋesınıŋ töraǧasy Bao Guandun qatysty.
İnvestisiialyq jobanyŋ jalpy qūny 213,76 mln AQŞ dollaryn qūraidy. Jobany ıske asyru käsıporyndy ekologiialyq jäne tehnologiialyq jaŋǧyrtudyŋ maŋyzdy kezeŋderınıŋ bırıne ainalyp, Jezqazǧan qalasyna tüsetın ekologiialyq jüktemenı edäuır tömendetuge mümkındık beredı.
«Būl – Jezqazǧandaǧy ekologiialyq jaǧdaidy jaqsartuǧa, şyǧaryndylardy azaituǧa jäne öŋırdıŋ öndırıstık äleuetın nyǧaituǧa baǧyttalǧan auqymdy joba. Joba Ükımettıŋ qoldauymen Memleket basşysy Qasym-Jomart Kemelūly Toqaevtyŋ Ūlytau öŋırın damytu jönındegı tapsyrmalaryn ıske asyru aiasynda jüzege asyryluda», – dedı Ūlytau oblysynyŋ äkımı Eset Baiken.
Joba jaŋa kükırt qyşqyly öndırısın salumen qatar, tehnologiialyq gazdardy ūstau jäne tazartu jüiesın jaŋǧyrtudy közdeidı. Jaŋa jüie tehnologiialyq prosesterdı avtomattandyru men baqylaudyŋ zamanaui qūraldarymen jabdyqtalady.
Joba ıske asyrylǧannan keiın tehnologiialyq gazdardy ūstau deŋgeiı 99%-ǧa deiın jetedı. Būl öndırıs şyǧaryndylaryn aitarlyqtai azaityp, qorşaǧan ortaǧa tüsetın äserdı tömendetuge mümkındık beredı.
Nysandy paidalanuǧa beru 2028 jylǧa josparlanyp otyr.
