Qazaqstanda qaıtalama turǵyn úı baǵasy rekordtyq deńgeıge ósti. Buǵan Ulttyq statıstıka bıýrosynyń málimetteri dálel, - dep habarlaıdy “Adyrna” ulttyq portaly Habar 24 arnasyna silteme jasap.
Vedomstvonyń málimetinshe, sharshy metrdiń quny birden 5,5 paıyzǵa kóterildi. Bul sońǵy segiz jyldaǵy eń joǵary kórsetkish. Sondaı-aq, jańa qurylystardaǵy ósim mardymsyz – 0,4 paıyzdy quraıdy.
Nur-Sultan qaıtalama jyljymaıtyn múliktiń baǵasy eń kóp ósken qala (10 paıyzǵa jýyq). Munda bir sharshy metr orta eseppen, 590 myń teńgeni quraıdy. Baǵa dınamıkasy boıynsha, eń tómen baǵa Atyraý men Taldyqorǵanda. Al Almaty qalasynda páterler shamamen, úsh paıyzǵa qymbattady.
Birinshi nesıe bıýrosynyń sarapshylary bul 20 aqpandaǵy derekter dep habarlaıdy.
”Adyrna” ulttyq portaly
