IýNESKO Bas konferenııasy jumysynyń sońǵy kúni Qazaqstan 2023-2027 jyldarǵa Dúnıejúzilik muralar komıtetiniń múshesi bolyp saılandy. Bul týraly Qazaqstan Respýblıkasynyń Memlekettik keńesshisi Erlan Qarın aıtty, dep habarlaıdy “Adyrna” ulttyq portaly.
Qazaqstannyń kandıdatýrasyn 118 memleket qoldady. Elimizdiń Dúnıejúzilik muralar komıtetine múshe bolyp saılanýy biregeı mádenı jáne tabıǵı muralaramyzdy saqtaýǵa qatysty belsendi jumysymyzdy halyqaralyq qaýymdastyqtyń moıyndaıtynyn kórsetedi.
Sondaı-aq buǵan deıin IýNESKO-nyń Almatydaǵy keńsesine Ortalyq Azııa memleketterinen bólek Aýǵanstan, Pákistan jáne Iran memleketterin qamtıtyn Kópsektorly aımaqtyq keńse (Bıýro) mártebesin berý týraly sheshim qabyldanǵan bolatyn, - dedi Qarın.
Aıta keteıik, Quramyna 21 memleket kiretin Dúnıejúzilik muralar komıteti ─ IýNESKO-nyń asa mańyzdy ári bedeldi basqarýshy organy. Bul Komıtettiń nysandardy Dúnıejúzilik muralar tizimine engizýge jáne alyp tastaýǵa aıryqsha quqyǵy bar.
