"Aeroporty regionov" basqaru kompaniiasy Mänşük Mämetova atyndaǧy Oral halyqaralyq äuejaiynyŋ operator kompaniiasy sanalatyn "Oral " halyqaralyq äuejaiy" JŞS-ny satyp aldy. Mūnyŋ jolynda basqaru kompaniiasy qazaqstandyq ärıptesterımen arnaiy kelısımşartqa otyrdy, dep habarlaidy "Adyrna" ūlttyq portaly Zakon.kz-ke sılteme körsete otyryp.
RBK mälımetınşe, äuejaidan öz baǧytyn tabatyn jolauşylar aǧyny jylyna 300 myŋ adamnan asady. Reseilık holding ony tranzittık hab retınde damytuǧa niettı ekenın bylai jetkızıptı:
"Äuejaidyŋ Qazaqstannyŋ soltüstık-batysynda ornalasuy - bızge yŋǧaily. Mūnda tranzittık tasymaldardy jüzege asyruǧa jäne onyŋ bazasynda öŋırlık hab qalyptastyruǧa mümkındık bar. Jaŋa investordyŋ keluı jäne jetekşı äuejai kompaniiasynyŋ qūzyretterın engızu äue torabyn odan ärı damytu üşın oŋtaily perspektivalar tudyrady".Sondai-aq, kompaniia ökılderı 2022 jyly Oral qalasynda jaŋa jolauşylar terminaly salynǧanyn atap öttı. Endıgı qūiatyn investisiialary, negızınen, arnaiy tehnikaǧa, tyŋ tehnologiiaǧa jäne servisterge baǧyttalmaq. Oqyrmaşǧa aişyqtai otyraiyq, "Oral "halyqaralyq äuejaiy" JŞS-nyŋ menşık ielerı reseilık "Retrans" AQ, "Oral menedjment" JŞS jäne qazaqstandyq käsıpker Däulethan Qilybaev. "Uralskaia nedelia" basylymynyŋ deregınşe, "Oral menedjment" JŞS Sergei Artiuginge tiesılı. Sondai-aq onyŋ kün energiiasymen ainalysatyn "Caspian Solar" degen kompaniiasy da bar. Däulethan Qilybaev Qazaqstan damu bankınde, "QazAzot" AQ-da basşylyq qyzmetter atqarǧan. "Aeroporty regionov" basqaru kompaniiasyna keleiık. Ol Resei territoriiasyndaǧy öŋırlık äuejailardy basqarudy jüzege asyratyn Reseidıŋ äuejai holdingı. Qazırgı uaqytta holding qaramaǧynda kelesı äuejailar bar: - "Kolsovo" äuejaiy (Ekaterinburg q.), - "Kurumoch" äuejaiy (Samara q.), - "Chkalov" äuejaiy (Nijnii Novgorod q.), - "Platov" äuejaiy (Rostov-na-Donu q.), - "Gagarin" äuejaiy (Saratov q.), - "Elizovo" äuejaiy (Petropavl q.-Kamchatskii), - "Novyi Urengoi" äuejaiy (Novyi Urengoi q.), - "Remezov" äuejaiy (Tobolsk q.). Basqaru kompaniiasynyŋ bas direktory - Evgenii Chudnovskii. Kompaniianyŋ ştab-päterı Mäskeude ornalasqan.
"Adyrna" ūlttyq portaly
Ūqsas jaŋalyqtar
