Bügın Memleket basşysy Qasym-Jomart Toqaev Qazaqstan halqyna «Qazaqstannyŋ jaŋa tarihi kezeŋındegı özektı mındetter» atty Joldauyn jariialady.
Joldaudyŋ negızgı taqyryby — eldı damytu jäne azamattardyŋ ömır süru sapasyn arttyru. Prezident infraqūrylymdy jaŋǧyrtudyŋ, äleumettık nysandar saludyŋ, tūrǧyn üi-kommunaldyq şaruaşylyqty jaqsartudyŋ jäne jaily qalalyq orta qalyptastyrudyŋ maŋyzyn atap öttı. Sondai-aq öŋırlerdı damytu men otandyq biznestı qoldauǧa erekşe nazar audaryldy.
Ūlytau oblysy üşın būl mındetterdıŋ maŋyzy erekşe. Aldaǧy uaqytta infraqūrylymdy damytu, äleumettık qyzmetterdıŋ qoljetımdılıgı men sapasyn arttyru, tūrǧyndar men biznes üşın qolaily jaǧdai jasau baǧytynda jüielı jūmys jürgızu qajet.
Osy baǧytta Memleket basşysy Qasym-Jomart Kemelūly Toqaevtyŋ tapsyrmasyna säikes jäne Ükımettıŋ qoldauymen oblysta 30-ǧa juyq äleumettık jäne infraqūrylymdyq nysandy jaŋǧyrtu bastaldy. Būl öŋırdıŋ injenerlık jüielerın jaqsartuǧa, eldımekenderdıŋ infraqūrylymdyq äleuetın arttyruǧa jäne odan ärı damuǧa berık negız qalyptastyruǧa mümkındık beredı.
Öŋırdıŋ damuynda kölık infraqūrylymy maŋyzdy röl atqarady. Memleket basşysynyŋ tapsyrmasy boiynşa «Samūryq-Qazyna» aksionerlık qoǧamy oblystaǧy tört temırjol vokzalyn, iaǧni Jezqazǧan men Qarajal qalalaryndaǧy, Jaŋaarqa audanyndaǧy jäne Qyzyljar stansiiasyndaǧy vokzaldardy jaŋǧyrtyp, jolauşylar üşın qaita paidalanuǧa berdı.
Jezqazǧan — Qyzylorda jäne Jezqazǧan — Arqalyq avtomobil joldarynyŋ qūrylysyn aiaqtap, paidalanuǧa beru öŋırımız üşın ülken maŋyzǧa ie. Būl baǧyttar kölık qatynasyn jaqsartyp, jük jäne jolauşylar tasymalyna qolaily jaǧdai jasaidy, sauda-ekonomikalyq bailanystardy keŋeitedı. Jezqazǧan — Qaraǧandy avtojolynyŋ qūrylysy da qarqyndy jürgızılıp jatyr. Būl jobalardyŋ sapaly jüzege asyryluy oblystyŋ kölık-logistikalyq äleuetın nyǧaityp, investisiialyq tartymdylyǧyn arttyruǧa yqpal etedı.
Medisinalyq infraqūrylymdy damytuǧa da erekşe köŋıl bölınıp otyr. Ūlytau auylynda auysymyna 100 adam qabyldaityn emhanasy bar 20 tösek-oryndyq auyldyq auruhananyŋ qūrylysy qarqyndy jürgızılıp jatyr. Nysandy jyl soŋyna deiın paidalanuǧa beru josparlanǧan.
«Zhyly Zhurek» qory osy jyldyŋ şılde aiynan bastap auysymyna 250 adam qabyldaityn emhananyŋ qūrylysyn qolǧa aldy.
Jezqazǧan qalasyndaǧy oblystyq köpbeiındı auruhanany jaŋǧyrtu aiasynda onkologiialyq ortalyq pen perinataldyq ortalyq salynady. Jaqyn uaqytta qūrylys-montaj jūmystary bastalady.
«Samūryq-Qazyna» AQ-men qol jetkızılgen kelısımder aiasynda Jezqazǧan qalasynda balalarǧa arnalǧan inkliuzivtı oŋaltu ortalyǧy men zamanaui inkliuzivtı sport keşenı salynady.
Oblysta sport, mädeniet jäne äleumettık infraqūrylymnyŋ jaŋa nysandaryn salu da josparlanǧan. «Qarmet» AQ Qarajal qalasynda balabaqşa saludy josparlap otyr. Sonymen qatar «Qazaqmys» korporasiiasy aldaǧy jyldyŋ bırınşı jartyjyldyǧynda Jezqazǧan qalasynda 800 oryndyq Kongress-ortalyqtyŋ, tennis ortalyǧynyŋ jäne jaŋa stadionnyŋ qūrylysyn bastaudy josparlap otyr.
Memleket basşysy aiqyndaǧan basymdyqtar oblystaǧy aldaǧy jūmystyŋ negızgı baǧytyn belgıleidı. Būl jobalardy ıske asyru tūrǧyndar üşın jaŋa mümkındıkter aşyp, öŋırdıŋ äleuetın nyǧaitady.
