Qazaqstan halqynyŋ Tılderı künıne orai Ūlytau oblysynda «Tıl – tatulyq tıregı» oblystyq tıl festivalı öttı. Is-şarany Ūlytau oblystyq tılderdı damytu ortalyǧy oblystyq mädeniet, tılderdı damytu jäne arhiv ısı basqarmasynyŋ qoldauymen ūiymdastyrdy.
Festival barysynda memlekettık tıldıŋ märtebesın arttyruǧa üles qosyp jürgen azamattar marapattaldy. Ūlytau oblysy äkımınıŋ «Tıl janaşyry» syilyǧynyŋ jeŋımpazdary «Üzdık qazaq tılı men ädebietı pänı oqytuşysy – 2026», «Tılge janaşyr käsıpker – 2026», «Üzdık beinerolik – 2026», «Tıl şeberı – 2026» jäne «Tıl maitalmany – 2026» nominasiialary boiynşa anyqtaldy.
Sonymen qatar tıl saiasatyn damytuǧa atsalysyp jürgen qoǧam belsendılerı men tıl janaşyrlaryna alǧyshattar tabystaldy.
Festival aiasynda qala jäne audandar arasynda ötken tıl festivalınıŋ qorytyndysy şyǧaryldy. I oryn – Qarajal qalasynyŋ, II oryn – Jaŋaarqa audanynyŋ, III oryn – Sätbaev qalasynyŋ mädeniet jäne tılderdı damytu bölımderıne berıldı. Jezqazǧan qalasy men Ūlytau audanynyŋ tiıstı bölımderı yntalandyru syilyǧyna ie boldy.
Tıl – halyqty bırıktıretın, tatulyq pen bırlıktı nyǧaitatyn qūndylyq. Memlekettık tıldıŋ märtebesın arttyruǧa baǧyttalǧan mūndai bastamalar el bırlıgın bekemdei bermek.
