قازاقستان حالقىنىڭ تىلدەرى كۇنىنە وراي ۇلىتاۋ وبلىسىندا ء«تىل – تاتۋلىق تىرەگى» وبلىستىق ءتىل فەستيۆالى ءوتتى. ءىس-شارانى ۇلىتاۋ وبلىستىق تىلدەردى دامىتۋ ورتالىعى وبلىستىق مادەنيەت، تىلدەردى دامىتۋ جانە ارحيۆ ءىسى باسقارماسىنىڭ قولداۋىمەن ۇيىمداستىردى.
فەستيۆال بارىسىندا مەملەكەتتىك ءتىلدىڭ مارتەبەسىن ارتتىرۋعا ۇلەس قوسىپ جۇرگەن ازاماتتار ماراپاتتالدى. ۇلىتاۋ وبلىسى اكىمىنىڭ ء«تىل جاناشىرى» سىيلىعىنىڭ جەڭىمپازدارى «ۇزدىك قازاق ءتىلى مەن ادەبيەتى ءپانى وقىتۋشىسى – 2026»، «تىلگە جاناشىر كاسىپكەر – 2026»، «ۇزدىك بەينەروليك – 2026»، ء«تىل شەبەرى – 2026» جانە ء«تىل مايتالمانى – 2026» نوميناتسيالارى بويىنشا انىقتالدى.
سونىمەن قاتار ءتىل ساياساتىن دامىتۋعا اتسالىسىپ جۇرگەن قوعام بەلسەندىلەرى مەن ءتىل جاناشىرلارىنا العىسحاتتار تابىستالدى.
فەستيۆال اياسىندا قالا جانە اۋداندار اراسىندا وتكەن ءتىل فەستيۆالىنىڭ قورىتىندىسى شىعارىلدى. ءى ورىن – قاراجال قالاسىنىڭ، ءىى ورىن – جاڭاارقا اۋدانىنىڭ، ءىىى ورىن – ساتباەۆ قالاسىنىڭ مادەنيەت جانە تىلدەردى دامىتۋ بولىمدەرىنە بەرىلدى. جەزقازعان قالاسى مەن ۇلىتاۋ اۋدانىنىڭ ءتيىستى بولىمدەرى ىنتالاندىرۋ سىيلىعىنا يە بولدى.
ءتىل – حالىقتى بىرىكتىرەتىن، تاتۋلىق پەن بىرلىكتى نىعايتاتىن قۇندىلىق. مەملەكەتتىك ءتىلدىڭ مارتەبەسىن ارتتىرۋعا باعىتتالعان مۇنداي باستامالار ەل بىرلىگىن بەكەمدەي بەرمەك.
