ۇلىتاۋ وبلىسىندا اسىراپ العان بالالارىن بەس جىل بويى شارۋاشىلىق فەرمادا جۇمىس كۇشى رەتىندە پايدالانعان وگەي انا قاماۋعا الىندى. بۇل تۋرالى قازاقستانداعى بالا قۇقىقتارى بويىنشا ۋاكىل دينارا زاكيەۆا ءىnstagram پاراقشاسىندا مالىمدەدى، دەپ حابارلايدى “ادىرنا” ۇلتتىق پورتالى.
دينارا زاكيەۆا اقپاننىڭ باسىندا وبلىستىق پروكۋراتۋرا مەن قامقورشى وكىلدەردەن قۇرالعان موبيلدىك توپ ءبىر وتباسىنىڭ ءۇش بالاسىن – بىر قىز بەن ەكى ۇلدى تاپقانىن ايتقان ەدى. ولاردى وگەي انا بالالار ۇيىنەن 2018 جىلى اسىراپ العان. ول كەزدە بالالار 14, 12, 8 جاسار بولعان.
ۇلكەندەرىنە قالادان 20 شاقىرىم جەردەگى فەرمادا مال باقتىرعان. ومبۋدسمەننىڭ سوزىنشە، كوميسسيا مۇشەلەرى فەرماعا كەلىپ، بالالاردىڭ قانداي جاعدايدا ءومىر ءسۇرىپ جاتقانىن كورىپ شوشىعان. ولاردىڭ دەنەسى كوگەرىپ، تىلىنگەن، ازىپ-توزىپ، شارشاعان، اش، كوز جانارى سولعان، كىر-قوجالاق، كيىمدەرى جىرتىق.
تەكسەرۋ بارىسىندا ۇلىتاۋلىقتىڭ 3 بالا ءۇشىن جاردەماقى الىپ كەلگەنى دە انىقتالدى.
"بالالاردىڭ ۇلكەنى – قىز، كوللەدجدى تامامداعان، الايدا ءىس جۇزىندە ساباققا مۇلدە بارماعان. ورتانشى ۇل كوللەدجدە "وقيدى". قۇقىق قورعاۋ ورگاندارى ءبىلىم مەكەمەسىن تەكسەرسە، اتا-اناسى ۇنەمى بالالاردىڭ اۋىرعانى تۋرالى انىقتاما بەرىپ وتىرعان ەكەن. قامقورشى قىزدى جۇمىس ىستەمەسەڭ، نە شاعىمدانساڭ، باۋىرلارىڭدى كورمەيسىڭ دەپ قورقىتقان", – دەپ جازدى زاكيەۆا.
بۇل تەكسەرۋگە ۇلىتاۋ وبلىسى اكىمى بەرىك ابدىعاليۇلى، پروكۋراتۋرا، ءىىم اتسالىسقان. ءىس بارىسىندا قامقورشىنىڭ جاقىندا تاعى دا "پاتروناتقا الۋعا بولاتىن باسقا دا بالالار بار ما؟" دەپ سۇراستىرعانى انىقتالدى.
سونىمەن قاتار، بالا قۇقىقتارى جونىندەگى ۋاكىل قازىر ءىىم، پروكۋراتۋرا مەن باسقا دا مەملەكەتتىك ورگاندار بىرلەسىپ بۇكىل ەل بويىنشا پيلوتتىق رەجيمدە جۇمىس ىستەيتىن ءموبيلدى توپتار قۇرىلعانىن ايتتى.
