Ūlytau oblysynda asyrap alǧan balalaryn bes jyl boiy şaruaşylyq fermada jūmys küşı retınde paidalanǧan ögei ana qamauǧa alyndy. Būl turaly Qazaqstandaǧy bala qūqyqtary boiynşa uäkıl Dinara Zakieva Instagram paraqşasynda mälımdedı, dep habarlaidy “Adyrna” ūlttyq portaly.
Dinara Zakieva aqpannyŋ basynda oblystyq prokuratura men qamqorşy ökılderden qūralǧan mobildık top bır otbasynyŋ üş balasyn – bır qyz ben ekı ūldy tapqanyn aitqan edı. Olardy ögei ana balalar üiınen 2018 jyly asyrap alǧan. Ol kezde balalar 14, 12, 8 jasar bolǧan.
Ülkenderıne qaladan 20 şaqyrym jerdegı fermada mal baqtyrǧan. Ombudsmennıŋ sözınşe, komissiia müşelerı fermaǧa kelıp, balalardyŋ qandai jaǧdaida ömır sürıp jatqanyn körıp şoşyǧan. Olardyŋ denesı kögerıp, tılıngen, azyp-tozyp, şarşaǧan, aş, köz janary solǧan, kır-qojalaq, kiımderı jyrtyq.
Tekseru barysynda ūlytaulyqtyŋ 3 bala üşın järdemaqy alyp kelgenı de anyqtaldy.
"Balalardyŋ ülkenı – qyz, kolledjdı tämamdaǧan, alaida ıs jüzınde sabaqqa mülde barmaǧan. Ortanşy ūl kolledjde "oqidy". Qūqyq qorǧau organdary bılım mekemesın tekserse, ata-anasy ünemı balalardyŋ auyrǧany turaly anyqtama berıp otyrǧan eken. Qamqorşy qyzdy jūmys ıstemeseŋ, ne şaǧymdansaŋ, bauyrlaryŋdy körmeisıŋ dep qorqytqan", – dep jazdy Zakieva.
Būl tekseruge Ūlytau oblysy äkımı Berık Äbdıǧaliūly, prokuratura, IIM atsalysqan. Is barysynda qamqorşynyŋ jaqynda taǧy da "patronatqa aluǧa bolatyn basqa da balalar bar ma?" dep sūrastyrǧany anyqtaldy.
Sonymen qatar, bala qūqyqtary jönındegı uäkıl qazır IIM, Prokuratura men basqa da memlekettık organdar bırlesıp bükıl el boiynşa pilottyq rejimde jūmys ısteitın mobildı toptar qūrylǧanyn aitty.
