Ūlytau oblysynda «Taza Qazaqstan» ūlttyq ekologiialyq bastamasyn ılgerıletu maqsatynda Jezqazǧan men Qarajal qalalarynda jastardyŋ qatysuymen maŋyzdy ekologiialyq ıs-şaralar ūiymdastyryldy. Atalǧan şaralardyŋ maqsaty – öskeleŋ ūrpaqtyŋ ekologiialyq mädenietın arttyru, tabiǧatty qorǧauǧa degen jauapkerşılıgın küşeitu.
Jezqazǧan qalasynda «Ekologiia jäne jastar belsendılıgı» atty kezdesu ötıp, jastar arasynda ekosana qalyptastyru mäselelerı talqylandy.
Şaraǧa Jezqazǧan qalalyq Jastar resurstyq ortalyǧynyŋ direktory Säken Qairatūly jastardyŋ ekologiialyq bastamalarǧa qatysuynyŋ maŋyzyn atap ötıp, tabiǧatty qorǧaudy är azamat özınen bastau kerektıgın aitty.
Qarajal qalasynyŋ jalpy bılım beru mektepterınde «Taza qala» taqyrybynda bır mezette ekologiialyq sabaqtar ūiymdastyryldy. Sabaqtarda oquşylarǧa tūrmystyq mädeniet, qoqysty dūrys sūryptau, qorşaǧan ortaǧa ūqypty qarau daǧdylary tüsındırıldı.
Sabaqtyŋ negızgı maqsaty – jas ūrpaqqa tazalyq mädenietın qalyptastyru.
2025 jyldyŋ basynan berı Ūlytau oblysynda 13 oblystyq jäne 17 qalalyq senbılık ötkızıldı.
«Taza Qazaqstan» aksiiasy – būl qorşaǧan ortanyŋ jai-küiın jaqsartuǧa, ekologiialyq sanany qalyptastyruǧa baǧyttalǧan bastama ǧana emes, sondai-aq ruhani tazalyqtyŋ, adaldyq pen otansüigıştıktıŋ ideologiiasy.
